Jean-Marc Antersijn a nace na Aruba den bario di Noord. Su mama ta di Chile y su tata di Corsou.[1] E tabata hunga pa Nacional y a yega di forma parti di e seleccion U-13 di Aruba. Cu 17 aña el a bai train cu e club Union La Calera na Chile.[1] Den temporada 2013/2014 el a milita cu SV Dakota y a muda despues pa Hulanda pa bira futbolista profesional.
Despues di core stage na PEC Zwolle, e ta move pa Haaglandia y otro clubnan Hulandes. Entre 2020 i 2021 el a milita cu IFK Eskilstuna y FC Arlanda na Suecia. Na 2021 el a firma cu e club Mericano Atlantic City FC pa un temporada.[1]
Carera internacional
editá
Den seleccion Arubano bou di coach Giovanni Franken el a debuta den un wega amistoso contra Guam (2-0) na 2014 den Stadion Guillermo Prospero Trinidad.[2]
Antersijn a gana e premio "Golden Glove Award" pa su actuacion excelente durante e torneo CFU U-20 na 2014. Aruba tambe a ricibi e premio "Fair Play Award".[3][4][5] Na 2018 el a keda selecciona pa hunga cuater wega den CONCACAF Nations League.[6]
| Fuente, nota i/òf referensia
|
Aruba
Atlantic City FC
