Koningin Emmabrug

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Koningin Emmabrug (tambe konosí komo Swinging Old Lady òf Pontjesbrug i na papiamentu komo Brùg di Ponton, Brùg di Punda òf simplemente Brùg) ta un brùg di ponton úniko ku ta konektá e dos partinan di Willemstad, Punda i Otrobanda, ku otro. E brùg ta drif riba 16 ponton. E brùg ta habri pa tráfiko marítimo na momentu ku un boto òf bapor mester drenta òf sali haf. Pa dia 15.000 peaton ta hasi uso di e brug akí. E brùg ta nombrá na Reina Emma. For di 1975, pa tráfiko terestre, brùg ta habri solamente pa peaton. Despues di e dia ei outo mester a hasi uso di Koningin Julianabrug òf kore rònt di Schottegat pa move di Punda bai Otrobanda i vise versa.

Koningin Emmabrug

Nòmber duná di	Emma van Waldeck-Pyrmont
Pais	Kòrsou
Situá na teritorio administativo	Kòrsou
Lokalisá na	Willemstad
Koordinato geográfiko	12°6′22″N 68°56′7″W
Apertura ofisial	1888
Ta krusa	Bahia di Santa Ana

Historia

A traha Emmabrug na aña 1888 i e tabata e promé brùg flotante den Bahia di Santa Ana. Inisialmente e brùg, ku konsul merikano L.B. Smith a laga konstruí, tabata un empresa privá. Na 1930 gobièrnu ta tuma esaki over i desde 1934 ta abolí e derechi di kobra. A renov'é kompletamente na 1939. Entre 2005 i 2006 a bolbe renová e brùg. E pontonnan ta úniko kos ku a keda original na e brùg nobo. E brùg a haña un apariensia nobo. Entre otro a kita e aseranan pa peatonnan por kana mas fásil riba e brùg.

Fuente, nota i/òf referensia