Nel Simon
Narcisio (Nel) Simon (☆ 12 di òktober 1938 na Willemstad - † 12 di yanüari 2022 na Amsterdam) tabata un artista plástiko yu di Kòrsou.
| Pais di nashonalidat | Reino Hulandes  |
|---|---|
| Nòmber di dilanti | Narcisio |
| Fam | Simon |
| Nòmber di kariño | Nel |
| Fecha di nasementu | 12 òktober 1938 |
| Lugá di nasementu | Willemstad |
| Fecha di fayesimentu | 12 yanüari 2022 |
| Lugá di fayesimentu | Amsterdam |
| Kasá | Norva Sling |
| Dominio di idioma | Hulandes |
| Okupashon | visual artist, ceramicist |
| Lugá di trabou | Amsterdam |
| Representador pa derecho di autor | reproduction right represented by CISAC-member |
| Status pa derecho di autor como creador | obra protehi pa derecho di autor |
Bida i karera
editáNel Simon a nase i lanta den bario di Seru Fortuna.[1] E tabata alumno na skol di Santa Maria. Pa sirkumstansia familiar e ta bandoná skol na edat hóben pa bira maletero, trabou ku el a desempeñá na Aeropuerto Hato pa añanan largu.[2] Su promé eskulturanan el a traha pa e High Flying Park "Rest of Afrika" na Seru Fortuna, usando klei di Seru Fortuna mes. Despues di a tuma les di Len Gillen (fundashon Man di Obra) na fábrika di kerámika na Suffisant, el a bai studia kerámika na Universidat di Burlington na Vermont, Merka.[3] Inisialmente Simon tabata traha ku klei, sinembargo for di inisio di dékada nobenta ta pasa over pa bròns, pa kual el a sigui un kurso na Hulanda. Sentral den su obranan ta e persona karibense di rasa afrikano, pa medio di kual e tabata ekspresa su enbolbimentu ku historia i e lucha di libertat di sernan oprimí.[3]
E tabata kasá ku Norva Sling, eskultor di bario di Seru Fortuna.[4][5] Na nan kas na Steenen Koraal nan a habri un tayer di trabou i ta instalá den kurá un eksposishon permanente di nan obranan.[2][1] Huntu nan a diseña na 1993 un grupo di eskultura pa koloká na University of Curaçao i na Biblioteka Nashonal Kòrsou.[6] Desde 1975 Simon a tene varios eksposishon, usualmente ku Norva, entre otro na Kòrsou, na Sosiedat Bolivariana, Museo di Kòrsou, Sentro Pro Arte i otro lugánan, Republika Dominikano, Hulanda i Bélgika.
Na 1991 Simon, huntu ku Norva Sling, a risibí e Premio Cola Debrot.
Desde 2009 Simon a pasa su ultimo añanan na Amsterdam, unda e tabata ekshibí su obranan den su studio di arte i kurá di eskultura. El a fayesé dia 12 di yanüari 2022 na e edat di 83 aña.
Monumento Desenkadená
editáSimon a diseña i traha e monumento Desenkadená den e periodo 1995/1997.[7] E monumento ta un grupo di eskultura den bròns ku ta representá dos hòmber i un muhé na punto di desenkadená. E monumento, tambe konosí komo 'monumento Tula', ta konmemorá e rebelion di esklabo di 17 di ougùstùs 1795. El a wòrdu develá riba Rif na Otrobanda dia 17 di òktober 1998. Anualmente durante e Ruta Tula ta hasi un parada na e monumento pa refleha riba e lucha pa libertat di personanan den sklabitut na Kòrsou.[8]
Link eksterno
editá- Homage to Nel Simon 2022 video riba Youtube
- The making of the Tula Monument Curacao by Nel Simon in 1996/1997, video riba Youtube
Fuente, nota i/òf referensia
|