Churandy Martina
Churandy Thomas Martina (Kòrsou, 3 di yüli 1984) ta un atleta di Kòrsou i un atleta olímpiko. El a partisipa sinku biaha na Weganan Olimpiko. Dos biaha representando Antias Hulandes (2004 i 2008) i tres biaha Hulanda. Esakinan tabata na 2012 na London, 2016 na Rio de Janeiro i 2021 na Tokyo. Martina tin riba su nòmber e rekòrt hulandes den 60 m, 100 m, 200 m y e estafette di 4 x 100 m i tambe tur rekòrt di sprint di Antias Hulandes.
| Churandy Martina | ||||||||||
|---|---|---|---|---|---|---|---|---|---|---|
| ||||||||||
| Informashon personal | ||||||||||
| Nasementu | 3 di yüli 1984 Willemstad | |||||||||
| Nashonalidad |  Hulanda
| |||||||||
| Altura | 178 sèntimeter | |||||||||
| Peso | 74 kilogram | |||||||||
| Informashon deportivo | ||||||||||
| Nashonalidad deportivo |
 Kòrsou
| |||||||||
| Deporte | Atletismo | |||||||||
| Weganan Olímipiko |
| |||||||||
| Distinshon | ||||||||||
| ||||||||||
| [Editá Wikidata] · [Manual] | ||||||||||
Biografia
editáKarera hubenil
editáChurandy Martina a gana su promé eksperensia internashonal na 1999 ora el a yega semi-final den e 100 m na e Kampeonato Mundial Hubenil na Bydgoszcz (Polonia) i a keda eliminá ku 11.12 sekònde. E siguiente aña el a gana e medaya di plata pa Antias Hulandes den e 100 m na Weganan CARIFTA na Saint George’s den 10.73 sekònde y tambe a gana plata den e kareda di 200 m den 21.73 sekònde. Despues el a tuma e di seis lugá riba 100 m den e Kampeonato Junior sentro-amerikano i karibense na San Juan den 10.99 sekònde i a wòrdu deskualifiká den e buelta preliminar riba 200 m. Despues el a frakasá den e Kampeonato Mundial Hubenil na Santiago ku 10.77 sekònde den e buèlta preliminar riba e 100 m i tambe a keda deskualifiká pa e kareda di 200 m. Na 2001 el a sali di sinku den e 100 i 200 m na e Weganan CARIFTA na Bridgetown den 10.75 i 21.55 sekònde respektivamente i despues a yega semi-final den e 100 m na e Kampeonato Sentro Amérika i Karibe na Guatemala City na el a keda eliminá. e kuarto di final di e 100 m na e kampeonato mundial di junior na Kingston ku un tempu di 10.52 sekònde. Despues el a gana e 100 m na e Weganan Suramerikano na Belém den 10.42 sekònde i a gana e medaya di plata den e 200 m den 20.81 sekònde tras di e brasileño Bruno Pacheco. Despues el a termina di ocho lugá den e Weganan Sentroamerikano i di Karibe na San Salvador den e 100 i 200 m den 10.55 i 21.89 sekònde i a logra un tempu di 42.14 pa e di seis lugar den e estafeta di 4 x 100 m di Antias Hulandes. Na Weganan di CARIFTA 2003 na Port of Spain, el a gana e medaya di plata den e 100 meter den 10.37 seconde y a tuma e di cuatro lugar den e 200 meter den 21.33 sekònde. Tambe el a sali di kuater den e kareda di estafeta den 40.91 s. Na kuminsamentu di yüli el a alkansá di seis lugá den e 100 m na e Kampeonato CAC na St. George’s ku 10.52 sekònde i a gana e medaya di bròns den e estafeta ku un rèkòrt nashonal nobo di 39.46 sekònde tras di e ekiponan di Trinidad i Tobago i Jamaica. Despues el a gana e Kampeonato Panamerikano Junior na Bridgetown den 10.33 sekònde riba 100 m i tabata di seis den e 200 m ku 20.84 sekònde. Na ougustus el a tuma parti na e Weganan Panamerikano na Santo Domingo pa prome biaha y a keda elimina den e semi-final riba 100 m ku 10.62 sekònde y a sali di kuater den e estafeta den 39.19 sekònde. Despues el a kompetí den e 100 m na e Kampeonato Mundial na Paris i no a progresá mas leu ku e promé buèlta ku un tempu di 10.35 sekònde.
Karera senior
editáNa 2004, el a kuminsá studia ingenieria sivil na Universidat di Texas na El Paso i na yüli el a gana e Kampeonato U-23 NACAC na Sherbrooke, Canada den 10.21 sekònde riba 100 m i a gana e kareda di 200 m. Den 20.75 sekònde el a bai ku e medaya di plata tras di e merikano Wallace Speermon. Na aña 2007 el a gana medaya di oro den e Weganan Panamerikano na Rio de Janeiro. E tempu den sprent di 100 meter tabata 10,15 sekònde.
- Weganan Olímpiko
El a klasifiká pa promé biaha pa partisipá na e Weganan Olímpiko 2004 na Atenas den e kareda di 100 m, kaminda el a yega e kuartfinal i a keda eliminá ku 10.24 sekònde. Tambe e tabata e kargadó di bandera di Antias Hulandes na e evento di apertura di e Weganan.
Martina a finalisá durante Weganan Olímpiko di Zomer 2008 na Bejing na di dos lugá riba 200 meter sprent. Pero a deskualifik'é pa motibu ku el a sali for di liña. Riba 100 m el a finalisá na di kuater lugá. Na London e tabata den e finalnan di e 100 m, 200 m i 4 x 100 m; na Rio de Janeiro den e final di e 200 m.
Honor
editáBanko Sentral di Antias Hulandes lo traha un moneda di konmemorashon di sinku florin ku imágen di Churandy Martina koriendo i e palabranan “Weganan Olímpiko Beijing 2008.”
Galeria
editá
Link eksterno
editá