De Olde Molen
De Olde Molen, tambe conoci como The Mill, ta un molina di biento Hulandes den forma octagonal cu un plataforma eleva (±6m) reconstrui na 1961[1] na Bubali, Aruba.[2] For di e tempo ey, e ta funciona como restaurant y museo di molina.[3][4]
| De Olde Molen | ||
|---|---|---|
| ||
De Olde Molen cu e bletnan instala corectamente, den sentido di contratiempo y cu bletnan di 77 pia. (prome cu "restauracion" na 1973).
| ||
| Informacion basico | ||
| Ubicacion | Bubali, Aruba | |
| Coordinatonan | 12°33′47.56″N 70°2′50.17″W / 12.5632111°N 70.0472694°W | |
| Construi | 1815 | |
| Desmantela | 1960 | |
| Tipo | Molina octagonal cu plataforma | |
| Span di blet | 22 meter | |
| Altura di plataforma | 6 meter | |
| Funcion actual | Molina di biento Hulandes | |
| Link externo | ||
| Database di Molina Hulandes | ||
| Situa na Aruba | ||
| ||
Imagennan riba  Wikimedia Commons
| ||
| [Edita Wikidata] · [Manual] | ||
Originalmente, e molina a experiencia varios alocacion y transformacionnan den provincia di Groningen, Hulanda, prome cu e la yega na su ubicacion actual. Rond di De Olde Molen ta situa "Courtyard by Marriott", un hotel tipo apartamento cu antes tabata yama "The Mill Resort".
Historia
editáHulanda
editáWinschoterzijl
editáNa 1804 y 1810, a construi dos molina di polder (molina di awa cu ta funciona cu biento) na Polder Reiderlandnl (e di cinco division di Blijhamnl) cerca di Winschoterzijlnl.[5][1] Esun mas hoben a kima na 1814.[6][7][8] Consecuentemente, na 1815,[9] un molina a wordo construi na e mesun lugar, cu dos pomp di chapaletanl y belanan cu ta span 77 pia (22 meter), cu awo ta situa na Aruba.[6] Na 1883, el a wordo bendi na Geert Rikus Luth pa ƒ100,- y despues a bira propiedad di e famia Snelter.[6][3] Na 1897, el a wordo aloca na Wedderveer.[6]
Wedderveer
editáNa nomber di e molinero, Jan Hubbeling Snelter, e molina a wordo reconstrui na 1898 dor di trahado di molina, W. Kamps, for di Winschotennl, despues di a haña permiso na 1896. Dia 28 di januari 1898, e molina a bira operacional,[nota 1] sirbiendo como molina di grano cu ta funciona cu biento.[3][9] Conoci como Molen van SnelterofMolen van Jonker,[7] e molina aki tabata situa enfrente di un tipo di molina chikito, yama Spinnenkopnl. E Spinnenkop aki na Wedderveernl ta un molina di zaag palo.
Molen van Snelter tabata un molina Hulandes di biento octagonal cu un dak y kapnl asfaltanl, e molina tabata rondona cu un plataforma abou, y e base di e molina tabata traha di piedra. E molina tabata consisti di dos bara di palo conecta na un as di hero cu belanan ahusta den un sistema tradicional Hulandes (o belanan comun)nl.[3][1] Interior di e molina tabata tin dos par di piedra di mula.[1]
Na april 1930, e molina a keda solamente cu un bara (dos bela) despues cu un bara a kibra na mei 1929. Esaki a wordo recupera na 1933, pero despues e molina a keda neglisha cu na e parti zuidwest tabatin solamente un plataforma parcial, tambe tabata falta un rabo di molina, y biganan na e base di e kap.[1] Operacionnan di mula a para na 1937[3] y pa 1947, e par di bara (tur cuater bela) tabata falta,[1] y un H.G. Jonker a haña permiso pa basha e molina abou na Wedde dia 2 di october 1958.[7][10]
Na 1960, dos empresario di Aruba, Theo Paalman y G.J. Woudenberg, a cumpra e molina cu e intencion pa aloc'e na Aruba como un atraccion turistico.[11] E desmantelacion exhaustivo di e Molina van Jonker dor di trahado di molina, Jan Diederik Medendorp, a cuminsa na e mesun aña y a tuma cuater siman pa finalisa,[12] unda e belanan a keda intacto.[2] E base original di piedra a keda na Hulanda, mientras cu un nobo a wordo construi na Aruba pa acomoda e restaurant.[6] Notabel, e spoorwielnl y rondselnl ta keda den e molina di grano, De Zwaan na Holland, Michigan, Merca.[13][14] Dia 28 di januari 1961, e molina desmantela, hunto cu e bela y piedranan di mula (2.000kg) a yega Aruba ariba e barco di KNSM, Breda.[nota 2][8][6]
Harkstede y Onderdendam
editáE molina di polder na Harkstedenl, yama De Verloren Zoonnl, tambe conoci como Polder Het Lageland, tabata desmantela na 1957,[15] y a contribui cu un spoorwiel y un rondsel pa De Olde Molen na Aruba.[1]
Similarmente, un otro molina na Onderdendam, yama Onderwierumer Molen,[16] a wordo cumpra pa ƒ200,- y desmantela na 1958. E molina a duna e bovenwielnl y bonkelaarnl na De Olde Molen.[1]
Aruba
editáBubali
editá
E reconstruccion a cuminsa den un forma simbolico dia 4 di maart, 1961, ora cu gezaghebber Beaujon (1959–1963) a pone e prome piedra.[8] E proceso di reconstruccion a keda supervisa pa e trahado di molina, J.D. Medendorp, y construi door di Bohama NV bou di direccion di ingeniero H. van Strien.[6][17] De Olde Molen a wordo tapa cu un construccion di palo horizontal y un plataforma nobo di palo a wordo construi rond di e molina na un haltura di 6 meter.[2] Na maart 1962, e construccion a finalisa, y for di september di e mesun aña, el a sirbi como restaurant. Despues di 7 siman di construccion,[18] e intencion tabata pa pone e belanan den comision,[9] sinembargo, pa motibo di biento di pasat, e belanan a wordo mara na nan lugar pa protehanan contra daño.[4][17] E adkisicion, transportacion, reconstruccion, y establecimento di e restaurant a rekeri colectivamente mas cu 175.000 florin, suma cu a wordo recauda den De Olde Molen NV na Aruba.[8]
Na 1965, e inauguracion di De Olde Molen restaurant a tuma lugar, bou di un maneho nobo di Karel Schmand y W.A. Strijland, kendenan tambe tabata maneha e Bali restaurant na Oranjestad. E restaurant no tabata operacional pa un aña y mey, pa motibo di dificultadnan financiero.[19] Na 1973, Joseph Patterson a adkiri De Olde Molen for di K. Schmand y a cuminsa cu un proyecto extensivo di restauracion di e molina di biento. Ademas, el a decora e restaurant cu mueble y pintura cu ta data di siglo 9 te 18.[20] Tambe tin inscripcionnan cu ta recorda e diferente propietario di e molina di biento anterior na Hulanda.[17] Sinembargo, na 2001, ora J.D. Medendorp a bolbe Aruba, el a expresa su decepcion ora el a descubri cu e belanan mucho cortico y incorectamente instala durante e restauracion. Consecuentemente, e molina su rotacion lo ta den sentido cu tempo, mientras cu un molina di biento Hulandes tradicionalmente tin un rotacion den sentido di contratiempo.[6][4]
Nota
Referencia
|