Frida Kahlo
Magdalena Carmen Frida Kahlo y Calderón (☆ 6 di juli 1907 na Coyoacán – † 13 di juli 1954 na Ciudad di Mexico) tabata un artista surrealistico Mexicano.
| Frida Kahlo | ||
|---|---|---|
| ||
Frida Kahlo (1932)
foto: Guillermo Kahlo | ||
| Informacion personal | ||
| Nomber completo | Magdalena Carmen Frida Kahlo y Calderón | |
| Nacemento | 6 di juli 1907 Coyoacán | |
| Fayecimento | 13 di juli 1954 Coyoacán | |
| Firma | 
| |
| Informacion profecional | ||
| Aña activo | 1924–1954 | |
| Ofishi | Pintor | |
| Estilo(nan) | Surrealismo Realismo magico | |
| Obra notabel | Henry Ford Hospital (1932) (un poco despues di su aborto spontaneo) Frida and the Miscarriage (1932) (un poco despues di su aborto spontaneo) My Birth (1932) (poco despues di su aborto spontaneo y e morto di su mama) Self-portrait on the Border of Mexico and the United States (1932) (autopotret na barera entre Mexico y Estadonan Uni di America) My Dress Hangs There (1932) (Poco despues di su bishita na Estadonan Uni di America) A Few Small Nips (1935) (a base di un caso civil contra un homber cu a asesina su casa) The Broken Column (1944) (fractura di su lomba) Without Hope (1945) (autopotret, debilita den cama) | |
| (nl) RKD-profiel | ||
| (en) IMDb-profiel | ||
| [Edita Wikidata] · [Manual] | ||
Biografia
editáFrida Kahlo a nace na Coyoacán, awendia un bario di Ciudad di Mexico. Su mama, Matilde Calderón, tabata Mexicano y su tata, Guillermo (Wilhelm) Kahlo, tabata un fotografo Aleman. Cu seis aña el a haya polio na su pia drechi y desde 18 aña tabata sufri di dolor despues di tabata involvi den un accidente di bus. For di un edad hoben e tabata gusta arte.
Kahlo tabata pinta principalmente potret propio, inspira pa e cultura popular Mexicano. Su obranan tabata den estilo folklorico tradicional tipo naief. Den su arte e tabata abarca preguntanan tocante identidad, postcolonialismo, sexo, clase social i etnicidad. Su pinturanan frequentemente tabata contene elementonan di su biografia, un mescla di realismo cu fantasia, y riba cual a basa su clasificacion como exponente di surrealismo of realismo magico. E tabata pertenece na "Mexicanidad", un movemento postrevolucionario cu tabatin como meta pa defini e identidad Mexicano.[1] E tabata miembro di e Partido Comunista Mexicano.
Durante su bida Frida Kahlo tabata specialmente conoci como esposa di e artista Diego Rivera (1886-1957). Despues di su fayecimiento, sinembargo, Kahlo ta wordo remarca, ora na final di 1970 cientificonan a cuminsa duda di e exclusion for di historia di arte di hende muher y artistanan di cultura aheno.[2]
Awendia galeria di arte Tate Modern, por ehempel, ta describi su persona como "un di e artistanan mas importante di siglo 20".[3] Su arte ta wordo mira como simbolico pa e tradicionnan nacional Mexicano i indigeno y pa feminismo como su imagennan no a comprometi e experiencianan di hende muher.[1]
E cas di su mayornan na Coyoacán, conoci como "La Casa Azul", ta awendia sede di e Museo di Frida Kahlo.
Referensia
|