Lac

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Lac (hulandes: Lac Baai) ta situá na kosta sur-ost di e isla Boneiru den Hulanda Karibense. E laguna natural poko hundu, di 700 hektar, ta separá di laman pa refnan i ta kontené veltnan di yerba di kaña, mas o menos 100 hektar di mondi di mangel i un waf chikitu pa piskadó. Lac ta asigná komo área protehá, área "Ramsar" i komo e asina yama "Important Bird Area" (IBA). Den Karibe Hulandes, e ta e área ku mayó rikesa di biodiversidat.

Lac

Pais	Hulanda
Situá na teritorio administativo	Boneiru
Situá den of banda di	Laman Karibe
Koordinato geográfiko	12°25′0″N 69°53′0″W
Tin frontera ku	Q1901349
Maintained by	Bonaire National Marine Park

Riba e kosta sur di e laguna tin e playa di Sorobon; dor di su awa poko hundu, Sorobon ta konosí komo un di e mihó lugánan di windsurf na mundu. Lac tambe ta wòrdu klasifiká tur aña den e kompetensia internashonal di windsurf konosí komo PWA-Worldtour.

Naturalesa

Pa motibu di e diversidat altu di su habitatnan, Lac tin hopi espesie, inkluyendo espesie protehá internashonalmente, manera koral, tortuga di laman, entre otro e tortuga di laman bèrdè (Chelonia mydas), karko (Strombus gigas), chogogo (Phoenicopterus ruber) i gutu pretu (Scarus guacamaia), pero tambe yerba di laman i mangel. E área tambe tin funshon importante komo kriadero pa piská di koral i área di forahe pa paranan migratorio i di awa.

Den e laguna, BirdLife International a identifiká un área di 2.076 hektar komo un zona importante pa paranan (IBA), pasobra e ta sostené e poblashon di espesie di paranan menasá òf ku presensia limitá, entre otro e paloma di mondi òf warbacoa (Patagioenas corensis), lora i chonchorogai (Elaenia martinica). Den pasado, el a sostené e brùit di e garsa barika blanku (Egretta tricolor), garsa kòrá (Egretta rufescens) i garsa kabes kané (Egretta thula) i probablemente tambe e brùit di e krabèchi korona hel (Nyctanassa violacea). IBA tambe ta sirbi komo un lugá di drumi pa e makuaku (Fregata magnificens) i komo un área di kuminda pa e paranan migratorio i di awa.

E maneho di e área ta den man di e Bonaire National Marine Park.

• 
  Snorkelmentu den Lac.
• 
  Kwal bolteá (Cassiopea frondosa) den awa poko hundu.
• 
  Snorkelmentu den Lac.
• 
  Praktikando windsurf na Lac
• 
• 
  Playa di Sorobon

Referensia

• E artíkulo aki òf un vershon anterior di dje ta un tradukshon di e artíkulo Lac riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.