Leo Chance
Leo Alphons Ignatius Chance (☆ 8 di november 1932 na Saba) ta un ex-politico Antiano, cu tabata politicamente activo tanto na Aruba como na Sint Maarten. Entre 1969 y 1994 el a fungi como minister di Trafico y Comunicacion, Husticia, Cooperacion di Desaroyo, Labor y Asuntonan Social den varios gabinete di Antias Hulandes. El a ocupa tambe e funcion di vicepremier den gabinete Evertsz, Rozendal, Martina IV y Paula.
| Leo Chance | ||
|---|---|---|
| ||
| Informacion basico | ||
| Nomber completo | Leo Alphons Ignatius Chance | |
| Nacemento | 8 di november 1932 Saba | |
| Districto electoral |  Aruba  Sint Maarten
| |
| Pais |  Antias Hulandes
| |
| Partido | Partido Patriotico Arubano Sint Maarten Patriotic Alliance | |
| Funcion | ||
| 1966 - 1969 | miembro Parlamento di Antias Hulandes | |
| 1969 - 1977 | minister di Trafico y Comunicacion | |
| 1977 - 1979 | minister di Husticia | |
| 1979 - 1984 | minister di Cooperacion di Desaroyo | |
| 1984 - 1986 | minister di Labor y Asuntonan Social | |
| 1986 - 1988 | minister di Husticia y Trafico y Comunicacion | |
| 1991 - 1993 | miembro Parlamento di Antias Hulandes | |
| 1993 - 1994 | minister di Trafico y Comunicacion | |
| [Edita Wikidata] · [Manual] | ||
Bida
editáNa un edad hoben Chance ta establece na Aruba unda e ta haci carera como capitan di boto na Lago Oil & Transport Company. Na 1950 e ta uni na e partido PPA. El a keda elegi como miembro di Conseho Insular y tabata diputado di Aruba di 1959 te 1967. Den decada sesenta y setenta di siglo 20 e tabata un di e exponentenan maximo di e partido y votegetter den districto di San Nicolas. Na 1966 e ta huramenta como miembro di Parlamento di Antias Hulandes. Entre 1969 y 1988 ta sirbi como minister den consecutivo gabinete Antiano. E tabata vicepremier den cuater gabinete.
Na 1983 Chance ta muda pa Sint Maarten. Comienso di 1990 e ta co-fundado di Sint Maarten Patriotic Alliance (SPA). Na 1991 e ta wordo elegi miembro di Parlamento di Antias Hulandes y di 1993 pa 1994 e ta bolbe fungi como minister di Trafico y Comunicacion.[1]
Chance ta viudo di Eulalie Mingo, cu kende e tin cuater yiu.[2] Na 1994 el a casa di nobo cu Sybil Vicario.
Honor
editáNa 1988 Chance ta wordo decora como "commandeur" den Orden di Oranje-Nassau.[3] Na Saba e pier construi na 1973 ta carga su nomber, esta Chance-pier.[4]
Fuente, nota i/òf referensia
|