Parlamento di Antias Hulandes

Parlamento di Antias Hulandes (hulandes: Staten van de Nederlandse Antillen) tabata un parlamento unikameral di Antias Hulandes, un pais den Reino Hulandes te ku 2010.

Parlamento di Antias Hulandes

Fecha di fundashon òf kreashon	5 aprel 1938
Motto text	Cum lege libertas
Pais	Antias Hulandes
Hurisdikshon	Antias Hulandes, Kòrsou i Dependensianan
Sede	Willemstad
Remplasá pa	Parlamento di Kòrsou, Parlamento di Sint Maarten
Ta remplasá	Konseho Kolonial
Fecha di disolushon òf likidashon	10 òktober 2010

Historia

Parlamento di Antia Hulandes tabata e susesor di e Konseho Kolonial di Kòrsou i Dependensianan, órgano di gobièrnu konsistiendo di diestres miembro nombrá pa gobernador di Kòrsou i Dependensianan. Dia 20 di desèmber 1937 riba tur seis isla e promé elekshon pa e Parlamento di Antias Hulandes a tuma lugá a base di un derecho elektoral limita; es ta na personanan ku sierto grado di desaroyo, minimalmente skol primario, i ku ta paga impuesto. Konstelashon di e asina yama Staten van Curaçao tabata diessinku miembro, di kual 10 tabata elegí i sinku nombrá pa Gobernador. Su reunion inougural tabata dia 5 di aprel 1938. Promé presidente di parlamento tabata John Sprockel (1892-1970) i promé griffier G.J. Ferguson. Na 1949 e introdukshon di un ordenansa elektoral general pa hende homber i muhe ta trese kambio den e konstelashon. E miembronan nombrá ta keda eliminá i e órgano awor dilanti lo konsisti solamente di miembro elegí: 21 asiento ku un repartishon fiho pa isla. Na 1950 e sistema di repartishon ta kambia pa un representashon proporshonal di kada isla i un oumento pa 22 asiento.

Elekshon

Elekshon pa miembro di Parlamento di Antias Hulandes a wòrdu tení na seis isla: Aruba, Kòrsou, Boneiru, Sint Maarten, Saba i Sint Eustatius te ku 1982 i despues di e Status aparte di Aruba na 1986 na sinku isla. Dia 10 di òktober 2010 Antias Hulandes i Parlamento di Antia a keda disolbí.

Fechanan di elekshon

1. 1949 - 17 di mart
2. 1950 - 21 di desèmber
3. 1954 - 15 di novèmber
4. 1958 - 1 di sèptèmber
5. 1962 - 4 di yüni
6. 1966 - 8 di yüni
7. 1969 - 5 di sèptèmber
8. 1973 - 3 di ougùstùs
9. 1977 - 17 di yüni
10. 1979 - 6 di yüli
11. 1982 - 25 di yüni
12. 1985 - 22 di novèmber
13. 1990 - 16 di mart
14. 1994 - 25 di febrüari
15. 1998 - 30 di yanüari
16. 2002 - 18 di yanüari
17. 2006 - 27 di yanüari
18. 2010 - 22 di yanüari

Galeria

• 
  Emblema di Parlamento di Antias Hulandes.
• 
  Diskurso di Juancho Irausquin, presidente di parlamento durante un reunion extraordinario na 1955.
• 
  Edifisio di parlamento di Antia Hulandes na 2010, awendia usa pa Parlamento di Kòrsou.

Fuente, nota i/òf referensia