Prostitucion
Prostitucion ta un tipo di trabou sexual cu ta encera participa den actonan sexual a cambio di pago.[1][2] E definicion di “acto sexual” ta varia, y hopi biaha ta wordo defini como un actividad cu ta rekeri contacto fisico (p.e., relacion sexual, sex no-penetrativo, sex manual, sex oral, etc.) cu e cliente.[3] E contacto fisico tambe ta crea e riesgo di transmision di infeccionnan.
| Parti di | sex industry, black market  |
|---|---|
| Causa | gender inequality, feminization of poverty, rape culture, misogyny, pedophilia |
| Historia | history of prostitution |
| Praktiká pa | pimp, prostitution client, prostitute |
Prostitucion tin biaha ta wordo describi como servicio sexual, sex comercial of tin biaha ta referi na dje eufemisticamente como “e profesion di mas bieu di mundo” den e mundo di abla Ingles.[4] Un persona cu ta traha den e tereno por lo general ta wordo yama un prostituta of trahado sexual, pero otro palabranan, manera "puta", tin biaha ta wordo uza peyorativamente pa referi na esnan cu ta traha den prostitucion. Mayoria prostituta ta hende muhe y tin clientenan masculino.[5][6]
Prostitucion ta tuma luga den un variedat di forma, y su status legal ta varia di pais pa pais (tin biaha di region pa region denter di un pais specifico). Den mayoria caso, e por ta sea un delito enforsa, un delito no enforsa, un acto decriminalisa, un acto legal pero no regula, of un profesion regula. E ta un rama di e industria di sex, hunto cu pornografia, stripping y baile erotico. Bordelnan ta establecimentonan specificamente dedica na prostitucion. Den prostitucion tipo "escort", e acto por tuma luga na e residencia di e cliente of camber di hotel o sea na e residencia di e escort of un camber di hotel cu e ta huur pa e ocacion. Un otro forma ta prostitucion riba caya.
Caribe Hulandes
editáProstitucion na Aruba, Boneiro, Corsou, Saba, Sint Eustatius, y Sint Maarten ta legal y regula.[7][8] Segun informe, por lo ménos 500 hende muhe stranhero ta trahando den prostitucion na tur e islanan.[9][7] Boneiro,[10] Sint Eustatius, y Corsou ta destinacionnan di turismo di sex.[8]
Tin un solo bordel sanciona pa gobierno riba e islanan di Boneiro,[10][11] y Sint Maarten.[7] E bordel na Corsou, Campo Alegre, a sera na 2020.[12]
Curaçao, Aruba y Sint Maarten ta islanan di destinacion pa traficacion di hende muhe pa e comercio di sex for di Peru, Brazil, Colombia, Sto. Domingo y Haiti.[9] Na 2011, un circuito di traficacion di hende a wordo kibra despues di traficacion di hende muhe pa explotacion sexual di Colombia pa Aruba, Corsou, Boneiro y Sint Maarten.[13]