Lampedusa
Lampedusa is ä idaljenischi Insel im Middlmeer, geleje zwische de idaljenische Insel Sizilje unn Tunesje uffm afrigånische Kondinend. Lampedusa gehrd zu de Inselgrubb vun de Pelagische Insle. Bekånnd is die Insel als Urlaubsord, awwa vor alle Dinge aa weje de Boodsflischdlinge, welle vun Afriga uff die Insel kumme, um noo Oiropa zu gelånge, wobai viele baim Vasuch aa schderwe.
Die Insel hot uugfär 5.000 Oiwuhner uff ennere Fläsch vun 20 km² unn gherd zu de Gemäände Lampedusa e Linosa in de idaljenische Provinz Agrigent.
Geographie
SchaffeLampedusa dudd uff de afrigånische Kondinendalpladd zwische Airopa unn Afriga lieje, midd em Abschdond vun 112 Kilomeder zu Tunesje (Afriga) unn 206 Kilomeder zu Sizilje (Oiropa). Die Ausdehnung vun Weschd noo Oschd sinn 9 Kilomeder, vun Nord noo Sied ner 3 Kilomeder. Die heggschde Erheeweung uff de Insel liehd 137 Meder iwwerm Meeresschbieschl.[1]