Otavian August
 Gai Giulio Céser Otavian August (an latin Gaius Iulius Caesar Octavianus Augustus; Roma, 23 Stèmber 63 aGC – Nola, 19 ost 14 dGC) mej conossù ‘mé Otavian o August, a l’é stàit ël prim imperator roman. Ël Senà a l’ha daje ël titol d'Augustus ël 16 gené 27 aGC, e so nòm ofissial a l’é stàit da cost moment Imperator Caesar Divi filius Augustus. Dël 23 aGC a l’é stàita arconossùa la tribunicia potestas e l'Imperium proconsular a vita e dël 12 aGC a l’é vnu ëdcò Pontéfiss Màssim. A l’é stàit al podèj fin a soa mòrt, e so govern a l’é stàit ël pì longh dla Roma imperial (44 ann dal 30 aGC, o 37 ann dal 23 aGC). L'época d'August a l’ha arpresentà un moment ëd grand cangiament ant la stòria ëd Roma e ël passagi final dal perìod republican al prinsipà. La rivolussion dal vej al neuv sistema polìtich e cultural a l’ha marcà ëdcò la conomia e l’organisassion militar, aministrativa, giurìdica e coltural. Sò serior a l'é stàit Tiberi August. |