Alberta
 L'Alberta a l'é na provinsa federal dël Canadà. A l'ha na surfassa ëd 661.848 km² e na popolassion ëd 3.183.312 abitant. As treuva ant l'òvest dël Canadà. A confin-a a nòrd coj Teritòri dël Nòrd-Òvest, a est col Saskatchewan, a sud con jë Stat Unì (stat dël Montan-a), a òvest con la Columbia Britànica. La capital a l'é Edmonton (712.391 abitant); la sità pì popolà dla provinsa a l'é Calgary (991.759 abitant). Àutri sènter amportant a son Lethbridge e Medecine Hat.
Ël teritòrimodìficaGrande foreste a së spantio ant ël teritòri setentrional, traversà da fium e rich ëd lagh; a òvest la provinsa a riva fin-a a le Montagne Rocose; d'ample pian-e a na formo la part oriental; la zòna meridional a comprend ëd grande pairìe traversà da combe ancreuse. Ël clima a l'é rèid e le precipitassion a son modeste. Ant la region a son ëstabilisse dle fòrte partìe d'imigrà alman, scandìnav, ucrain. ConomìamodìficaAmportant për la conomìa dla provinsa a son l'agricoltura (dzortut d'òrdi e biava) e l'anlevament, ch'a sosten-o vàire andustrie alimentar. |
