Budapest Honvéd
 Ël Budapest Honvéd (nòm ofissial Budapést Honvéd Football Club), famos ant ël mond nomach coma Honvéd, a l'é na società ëd fótbal ëd Bùdapest. Ël nòm originari dël club a l'era Kispest, nòm d'un borgh che fin-a 'l 1950 as trovava pen-a fòra da la sità 'd Bùdapest. Da antlora, Kispest a fa part ëd la sità coma distret XIX ëd Bùdapest. Ël nòm Honvéd (che a veul dì difensor ëd la patria) a l'é stàit sërnù ant j'ani '50 dël sécol ch'a fa XX quand ël club a l'era guidà dal Ministeri dla difèisa ungherèisa e a l'era la squadra dl'armada ungherèisa (al temp ëd l'Àustria-Ungherìa Honvéd a l'era 'l nòm dl'armada ungherèisa). Ant j'ani '40 e '50 a l'han giugaje an costa squadra ij mej giugador dël pais: Ferenc Puskás, József Bozsik, Zoltán Czibor e Sándor Kocsis. An ani men lontan a son butasse la maja dël club ëd fótbaleur coma Lajos Détári, Béla Illés e Sándor Torghelle. Anliure esternemodìfica |