Camille Claudel

Camille Claudel Scultris. Camille Claudel a l'era nassùa a Fère-en-Tardenois j'8 dë dzèmber dël 1864 e a l'é mòrta a Montfavet (davzin a Avignon) ai 19 d'otóber dël 1943. Dal 1876 al 1879 a l'ha vivù a Nogent. A l'é ambelessì che n'artista avosà 'd coj temp, Alfred Boucher, a l'ha armarcala e a l'ha daje soe prime lession, fin-a al 1882 a Paris, prima che chila a intrèissa ant l'atelié ëd Rodin tanme anleva, praticanta e modela. Euvre prinsipaj Perseo e la Gorgon-a Ideà dël 1897, a l'é l'ùnich màrmol ëd grande dimension (a l'é àut 1,96 méter) ëd Claudel. A marca sò slontanament da Rodin e n'artorn al classicism mostrà da Boucher. La statua a arpresenta Perseo ch'a l'ha pen-a tajà la testa ëd Medusa e ch'a bèica sò arfless an slë scu 'd bronz (al di d'ancheuj përdù). Medusa a l'ha ij trat ëd la scultris. Seugn ant ël canton dël feu (1903, goernà al musé munissipal ëd Draguignan)