Coni

Coni     Region: Piemont Provincia: Provincia ëd Coni Nòm 'n italian: Cuneo Coordinà: Latitudin: 44° 23′ 0′′ N Longitudin: 7° 33′ 0′′ E Autëssa: 534 m s.l.m. Surfassa: 119,67 km² Abitant: 55.934 (2022) Comun dj'anviron: Sental, Busca, Castlèt Stura, Borgh San Dalmass, Povragn, Beuves, Vigneul, Moross, Beinëtte, Tarantasca, Caraj, Servasca CAP: 12100 Prefiss tel.: 0171 Còdes ÌSTAT: 004078 Còdes fiscal: D205  Nòm dj'abitant: coniees  Sit istitussional Coni (Cuneo an italian) a l'é na sità dël Piemont. A conta 54.817 abitant e a l'é 'l capleugh dl'omonima provincia. Stòria Dël sécol ch'a fa XI ël teritòri ëd Coni a smija ch'a fussa ël confin ossidental dla Diòcesi d'Ast . Ël borgh ëd Coni a l'é peui stàit fondà dël 1198. Architetura Sènter ëd la sità a l'é l'eut-sentesca piassa Galimberti, ch'a fa da passage an tra ij pòrti dl'età ëd mes ëd contrà 'd Roma e coj modern ëd cors Nissa, visadì tra Coni vej e neuv, e anté che minca màrtes a-i é ël mërcà. La cesa 'd San Fransesch, dl'età 'd mes, ancheuj a l'é dventà musé cìvich. An leja Angeli a son presente dle ca liberty e an cors IV Novèmber a-i é n'edifissi ëd Mollino, anté ch'as treuva la Federassion dij Paisan. Da la tor cìvica as peul vëdd-se ël panorama 'd tuta la sità e dle montagne dantorn. Frassion Le frassion ëd Coni a son: Tet Canèl, Spinëtta, Borgh San Giusep, Roà dij Lerda, Bumbunina, San Pio, Ël Passòu, San Pe dël Gal, Roà dij Ross, San Blegn, Madòna dl'Olm, Ronch, San Ròch, Confrerìa, Bombonin-a Traspòrt L'aeropòrt ëd Coni as treuva a Levaldis (20 km). La Stassion ëd Coni a l'é la stassion feroviaria ch'a serv la sità. As treuva arlongh tre ferovìe: chila ch'a colega Fossan con Coni, chila ch'a colega Coni con Vintmija e chila ch'a colega Savian con Coni. Aministrassion Ël sìndich a l'é Patrizia Manassero (dal 04/07/2022). Përsonalità Giorgio Marengo (1974), vësco Sità gemelà Coni a l'é gemelà con: Santa Fé de la Vera Cruz, Argentin-a Nissa Marìtima, Fransa Richard Toll, Senegal Fürstenberg/Havel, Almagna Anliure esterne Sit istitussional Arferiment