L'orlògi dël Daily Mail, an Kensington High Street, con la marca dël giornal ansima, a l'é un-a dle marche caraterìstiche ëd Londra
Ël Daily Mail a l'é un dij pi important giornaj dël Regn Unì e, da sèmper, a l'é 'l pi conservator.
A l'é stàit fondà dël 1896.
A seurt a Londra e a stampa apopré 2.350.000 còpie al dì.
Dël 1924 ël Daily Mail a l'ha publicà un fàuss papé ch'a mostrava che ij comunista anglèis a j'ero lì-lì për dëscadné la rivolussion. Quatr dì dòp a-i son ëstàite j'elession e ij laborista a l'han përdule. Ancora adess ij laborista anglèis a ciamo 'l giornal "The Forgers' Gazette" (La gasëtta dij faussari).
Ël Daily Mail a l'é stàit, fin al 1939, un fervent sostnidor ëd la polìtica fassista e nasista e, për lòn e për soe posission tròp conservatris, a l'é stranomà "Daily Heil".
