Disgionsion esclusiva

La disgionsion esclusiva a l'é n'operassion lògica. Ël sust ëd costa operassion a l'é che la disgionsion esclusiva dle proposission p,q a l'é vera si un-a e mach un-a antra p e q a l'é vera; dësnò, visadì si p,q a son tute doe vere o tute doe fàusse, a l'é fàussa. La tàula ëd vrità dla disgionsion esclusiva a coincid donca con la tàula dl'adission dle class ëd resta mòdol 2; a l'é për sòn che dle vire a l'é ëdcò ciamà adission lògica.