Johannes Gutenberg
  Johannes Gensfleisch zur Laden zum Gutenberg (mej conossù com Johannes Gutenberg), nassù d'antorn al 1390, mòrt ai 3 ëd fërvé dël 1468, a l'é stàit un fré e anventor alman. A l'é avosà për soe stampe dël 1450 e dzortut për avèj anventà la tipografìa. Gutenberg a l'era nassù a Mainz e ël pare a l'avìa pijà lë stranom "zum Gutenberg" dal pòst anté a vivìo. Gutenberg a l'ha anventà na sòrt ëd metal për stampé, na manera ëd coregi da bin ij caràter e ël tòrcc da stampa (l'ideja dël tòrcc ciarament a ven dai tòrcc da vin). As dis che Gutenberg a l'ha anventà la stampa con caràter tramudàbij; ma a venta ten-e da ment che ij cinèis a stampavo da sécoj. Le anvension ëd Gutenberg a l'han rendù la stampa pi lesta; ant sò temp a l'é stàit-ie n'esplosion dl'anformassion e a son stampasse motobin ëd lìber. Gutenberg a l'ha stampà la Bibia, ancaminand sò travaj ai 23 ëd fërvé dël 1455. Ancheuj a son restane pi o men 60 Bibie ëd Gutenberg. |