La sità a l'é dësvlupa-se antorn a 'na fortëssa, edificà dël 1589 për vardé ij confin meridional dla Russia, e a l'é ciama-se Caricyn (Царицын) fin al 1925.
Dël 1925, an onor ëd Stalin, a l'ha pià 'l nòm dë Stalingrad (Сталинград).
Dal 21 d'agost dël 1942 al 2 ëd fërvè dël 1943 a l'é combato-se la Bataja ëd Stalingrad, andoa l'Armada Rossa a l'ha fërmà l'esercit tedesch. A-i son stàit pi che un milion e mes ëd mòrt e ferì, ma ij sòrt dla sconda guèra mondial a son arversa-se.
Dël 1961 ël nòm dla sità a l'é torna stàit tramudà a Volgograd.
