بلغاریا
بلغاریا ،سرکاری ناں جمہوریہ بلغاریا ، جنوب مشرقی یورپ چ بلقان وچ واقع اک ملک اے ،جسدیاں سرحداں پنجاں ملکاں نال ملدیاں نیں ۔ شمال دریاۓ ڈینیوب دے نال نال رومانیہ ، مغرب چ سربیا تے مقدونیا ، جنوب چ ترکی تے یونان تے مشرق چ کالا سمندر ایہدیاں سرحداں تے واقع نیں ۔
| بلغاریا | |
| Republic of Bulgaria | |
| Република България | |
 |
|
| راجگڑھ : | صوفیہ |
| رقبا : | 110,993.6 مربع کلومیٹر |
| لوک گݨتی : | 6916548 |
| کرنسی : | لیو |
| بولی : | بلغارین |
| |
| |
بلغاریا قدیم رومن صوبے موئیسیا ، تھریس تے میکدونیہ دے کچھ حصیاں تے مشتمل اے ۔
یورب چ پہلی بلغار بادشاہت قرون وسطی چ 7ویں صدی عیسوی چ قائم ہوئی تے پہلی بلغار سلطنت 681ء توں 1081ء تک قائم رہی ، جس نے آہستہ آہستہ بلقان دا زیادہ تر حصہ اپنے زیر قبضہ لے آندا تے اپنے حروف تہجی ، ادب تے ثقافت مشرقی یورپ دے سلاڡ تے دوجے قبیلیاں چ پھیلاۓ ۔ کئی صدیاں بعد دوجی بلغار سلطنت[1185ء توں 1395ء/1422ء]دے خاتمے تے نال ای بلغاری بادشاہتاں تقریبا 5 صدیاں لئي ترکاں دی عثمانی سلطنت دے قبضہ ہیٹھ چلیاں گئیاں ۔ 1877ء-1878ء دیاں ترک روس جنگاں نے ، آئینی بادشاہت دے طور تے بلغاروی ریاست دے قیام چ مدد کیتی تے 1878ء چ معاہدہ سان سٹیفانو دے نتیجے چ تیجی بلغار ریاست قائم ہوئی ۔ 1908ء چ سلطنت عثمانیہ دے اندرونی خلفشار توں فائدہ چکدے ہوۓ بلغاریہ دی الیکزنڈر مالینوف حکومت تے بلغاروی شہزادے فرڈینینڈ نے باضابطا طور تے پرانے راجگھر "ویلیکو" چ مکمل آزادی دا اعلان کردتا۔
دوجی جنگ عظیم دے بعد 1945ء چ بلغاریہ اک کیمونسٹ ریاست بن گئيا تے مشرقی بلاک چ شامل ہوگئیا ۔ ٹوڈور ژیوکوف 1956ء توں 1989ء تک 33 سال بلغاریہ دی سیاست تے چھائیا رہیا ۔ 1990ء چ 1989ء دے انقلاب توں بعد کیمونسٹ پارٹی دی اقتدار توں مناپلی ختم ہوگئی تے بلغاریہ جمہوریہ بن گئیا تے فری مارکیٹ کیپیٹلزم نظام معیشت اپنا لئیا ۔ ہن بلغاریہ اک پارلیمانی جمہوریہ اے تے 2007 وچ یورپی یونین دا تے 2004 وچ نیٹو دا رکن بنیا ۔
بلغاریہ دی آبادی تقریبا 76 لکھ اے ۔ بلغاریہ دا انسانی ترقی دا اعشاریہ بہت بہتر اے تے 2008ء دنیا چ 56ویں نمبر تے سی ۔
باہرلے جوڑ
سودھو| وکیمیڈیا کامنز چ مورتاں: بلغاریہ |
بلغاریہ دے صوبے
· صوبہ بلاگوئیوگراد · صوبہ ترگوویشتے · صوبہ دوبرچ · صوبہ رازگراد · صوبہ روسے · صوبہ ستارا زاگورا · صوبہ سلیوین · صوبہ سمولیان · صوبہ سیلسترا · صوبہ شومین · صوبہ صوفیہ · صوبہ لوویچ · صوبہ مونتانا · وارنا · صوبہ ودین · صوبہ پازارجک · صوبہ پلوودیف · صوبہ پلیوین · صوبہ پیرنک · صوبہ کاردژالی · صوبہ کیؤستندل · صوبہ گبرووا · صوبہ ہسکووا · صوبہ یامبول
آئس لینڈ · جرمنی · البانیا · اندورہ · آرمینیا · آسٹریا · آذربائیجان · بیلارس · بیلجیم · بوسنیا تے ہرزیگوونا · بلغاریہ · کروشیا · قبرص · چیک · ڈنمارک · اسٹونیا · فنلینڈ · فرانس · یونان · ھنگری · اٹلی · آئرلینڈ · قازقستان · کوسوو · لیٹویا · لیختنشٹاین · لیتھوینیا · لکسمبرگ · مقدونیہ · مالٹا · مولڈوا · موناکو · مونٹی نیگرو · نیدرلینڈز · ناروے · پولینڈ · پرتگال · رومانیہ · روس · سان مرینو · سربیا · سلویکیا · سلوینیا · سپین · سویڈن · ترکی · سویٹزرلینڈ · برطانیہ · یوکرین · ویٹیکن · جارجیا