فینول
فینول جینوں کاربولک تیزاب وی کیندے نیں اک آرگینک کمپاؤنڈ اے جیدا کیمیکل فارمولا |C6H5OH اے۔ اے اک چٹے رنگ دا کرسٹلاائن ٹھوس ہوندا اے۔ اس دے کمپاؤنڈ چ اک فینائل C6H5- دے نال اک ہائیڈروکسل -OH جڑیا ہوندا اے۔ اینوں کئی دوجیاں شیواں تے کمپاؤنڈ بنان واسطے وڈے پیمانے تے بنایا جاندا اے تقریبا ہر سال 70 ارب کلوگرام فینول بنندا اے۔ اے اک کمزور تیزاب اے۔
خاصیتاں
سودھوفینول پانی چ بڑی تیزی دے نال حل ہوندا اے تقریبا 100 ملی لیٹر چ 8.3 گرام حل ہو سکدا اے۔۔ سوڈیم دا فینولی نمک پانی چ بوت جلدی حل ہون آلا اے۔ اے اک کمزور تیزاب وی اے۔ اے کج دوجے الکجلاں دے مقابلے تے بوت زیادہ تیزابی طاقت دا مالک اے مگر فینول کاربوزائلک تیزاباں توں کٹ تیزابی اے۔
فینول ٹاؤٹومیریزم وی وکھاندا اے۔ ایدا ٹاؤٹومر سائکلو-ہیگزاڈائین اے جیڑا کہ نہ کھلون آلا اے۔
فینول بوت زیادہ ریایکشناں نوں کرن دے قابل اے کیونجہ ایدے اچ لگیا آکسیجن دے ایٹم دے پائی الیکٹران فینول دے چکر چ وی آندا اے۔ اس طرح کئی دوجے گروپ وی چکر چ پاۓ جاسکدے نیں۔
ورتن
سودھو- فینول نوں پلاسٹک بنان چ ورتیا جاندا اے۔
- اینوں فورمیلڈیہائیڈ دے نال ریایکٹ کرا کے بیکلیٹ بنایا جاندا اے۔
- اینوں سائکلو ہیگزین بنان چ وی ورتیا جاندا اے جیدے توں نائیلون بنایا جاندا اے۔
- ایدے توں کپڑے تون آلے ڈیٹرجنٹ بناۓ جاندے نیں۔
- ایدے توں اسپرین تے دوجیاں دوائیاں بنائی جاندیاں نیں۔
- ایدے توں چڑی بوٹیاں مار دوائیاں وی بنائی جاندیاں نیں۔
- اینوں مردہ جانوراں نوں ٹھیک حالت چ رکھن واسطے ورتیا جاندا اے۔
- اینوں میک اپ چ ورتیا جاندا اے۔
- اینوں کاسمیٹک سرجری چ ورتیا جاندا اے۔
- مالیکیولر بیالوجی چ فینول نوں کلوروفارم دے نال رلا کے نیوکلیک تیزاب صاف کیتے جاندے نیں تے ایدے نال پلازمڈ بنایا جاندا اے۔