کلچر میڈیم

کلچر میڈیم

ایگر پلیٹ - بیکٹیریا لئی استعمال ہون آلے کلچر میڈیم دی اک مثال۔ انو سٹریک پلیٹ کہندے نے، پیلیاں لکیراں تے نقطے بیکٹیریا دی کالونیاں نے۔

کلچر میڈیم ایسی پانی سار یا جیلی جئی شہ وے جیہڑی نکے جانداراں تے ولگناں نوں اگان لئی سہارا دیندی اے۔ کلچر میڈیم دیاں وکھریاں ونڈاں ہوندیاں نے۔

کلچر میڈیم دو طراں دا ہوندا اے، اک جیہڑا بوٹیاں تے جانوراں دے ولگناں نو اگان لئی ورتیا جاندا اے، دوجا جیہڑا بیکٹیریا جئے نکے جانداراں نو اگان لئی ورتیا جاندا اے۔

نکے جانداراں لئی ورتے جانوالے عام کلچر میڈیا دی مثالاں نیوٹریئنٹ براتھ تے ایگر پلیٹ نے۔ ایس توں علاوہ ولگناں تے نکے جانداراں لئی خاص غذائیت آلے کلچر میڈیم وی تیار کیتے جاندے نے۔

وائرس نوں اگان لئی جیوندے ولگناں دا کلچر میڈیم چائیدا ہوندا اے۔

کلچر میڈیم دیاں ونڈاں

نکے جانداراں لئی عام استعمال دے کلچر میڈیم دی مثال نیوٹریئنٹ براتھ (مائع نیوٹریئنٹ میڈیم) اے۔ انو اکثر ایگر نال رلا کے پیٹری پلیٹاں وچ جمایا جاندا اے تا کے نکے جانداراں دے اگن لئی اک واسطہ مہیا ہو سکے۔ کلچر میڈیم دی قسماں تھلے دتیاں گئیاں نے:

بیکٹیریا نو اگان لئی ایگر پلیٹاں (ہارٹ انفیوژن ایگر میڈیم)

نیوٹرئینٹ میڈیم

• ان ڈیفائنڈ (نا تعریف شدہ) میڈیم:

او کلچر میڈیم جو کاربن، امائنو ایسڈ، نائیٹروجن ، پانی تے نمکیات دا بنا ہوے تے جیدی ترکیب دا صحیح پتہ نہ ہووے، انو ان ڈیفائنڈ (نا تعریف شدہ) میڈیم کہندے نے۔

• ڈیفائنڈ (تعریف شدہ) میڈیم:

او کلچر جیہدے اجزاؑ دی صحیح ترکیب پتہ ہوندی اے۔ایس میڈیم وچ بوٹیاں تے جانوراں دی بافتاں نئی پائی جاندیاں۔

کمپائلوبیکٹر نو وکھرا کرن لئی چارکول سیلیکٹو میڈیم

مینیمل میڈیم

او میڈیم جیدے وچ کم توں کم خوراکی اجزاؑ پائے جاندے نے جیدے تے کالونی اگ سکے۔ ایس میڈیم وچ امائنو ایسڈ نئی پایا جاندا۔ اے میڈیم "جنگلی قسم"، ریکامبینینٹ تے ایگزوکانجوگیٹ نکے جانداراں نوں وکھرا کرن لئی استعمال ہوندا اے۔ مینیمل میڈیم وچ شامل ہوندے نے:

• کاربن دا ذریعہ جیویں گلوکوز تے سکسینیٹ۔
• نمکیات جیہڑے میگنیشیم، نائیٹروجن، فاسفورس تے سلفر دا ذریعہ ہوندے نے تا کہ نکے جاندار اپنے لئی پروٹین تے نیوکلیئک ایسڈ تیار کر سکن۔
• پانی

سیلیکٹو میڈیم

بلڈ ایگر پلیٹاں انفیکشن (روگ دی سرایت) معلوم کرن لئی استعمال ہوندیاں نے۔ سجے پاسے مثبت سٹریپٹوکوکس داکلچر؛ کھبے پاسے مثبت سٹیفائلوکوکس دا کلچر

سیلیکٹو میڈیم صرف مخصوص نکے جانداراں نو اگان لی استعمال کیتا جاندا اے۔ مثال دے طور تے اگر کوئی نکا جاندار کسی خاص انٹی بایوٹک لئی رسیسٹینٹ (خود سر) ہووے، تے صرف اوس نکے جاندار نو وکھرا کرن لئی میڈیم وچ او انٹی بایوٹک ملائی جائے گی تا کہ کوئی ہور نکا جاندار نا اگ سکے۔

اے میڈیم انٹی بایوٹک رسیسٹینس دا پتہ لگان لئی استعمال کیتا جاندا اے۔

ایہدیاں مثالاں:

• میکانکی ایگر: گرام منفی بیکٹیریا نوں اگان لئی استعمال ہوندا اے۔

• ایوسن میتھائلین بلو (EMB) میڈیم: گرام منفی بیکٹیریا لئی استعمال ہوندا اے۔ ایہدے وچ زہریلی میتھائلین بلو گرام مثبت بیکٹیریا نو ہلاک کردی اے۔

• وائی ایم (YM)میڈیم: ییسٹ تے مولڈ لئی، بیکٹیریا نو نئی اگن دیندا۔

• مینیٹول سالٹ ایگر(MSA): گرام مثبت بیکٹیریا نوں اگان لئی استعمال ہوندا اے۔

• زائلوز لائسین ڈسآکسیکولیٹ (XLD)میڈیم: گرام منفی بیکٹیریا نوں اگان لئی استعمال ہوندا اے۔

مینیٹول سالٹ ایگر(MSA)پلیٹ تے مائکروکوکس (1)، سٹیفائلوکوکس ایپیڈرمائڈس (2)، سٹیفائلوکوکس آریئس (3) دی کالونیاں

• بفرڈ چارکول ییسٹ ایکسٹریکٹ ایگر: گرام منفی بیکٹیریا نوں اگان لئی استعمال ہوندا اے۔

ڈفرینشیل میڈیم

ڈفرینشیل میڈیم یا انڈیکیٹر میڈیم اکو میڈیم تے نکے جانداراں دی اک قسم دا دوجی قسم نال فرق دسن لئی استعمال ہوندا اے۔ اے میڈیم نکے جانداراں دی کسی خاص غذائی جزو تے بائیو کیمیائی خاصیتاں نو استعمال کردا اے۔

مثالاں:

• بلڈ ایگر: سٹریپٹوکوکس دی خون نوں کھان دی صلاحیت معلوم کرن لئی استعمال ہوندا اے۔

• ایوسن میتھائلین بلو میڈیم: لیکٹوز، سکروز دی فرمینٹیشن دا فرق معلوم کرن لئی استعمال ہوندا اے۔

• میکانکی ایگر:لیکٹوز فرمینٹیشن دا فرق معلوم کرن لئی استعمال ہوندا اے۔

• مینیٹول سالٹ ایگر: مینیٹول فرمینٹیشن دا فرق معلوم کرن لئی استعمال ہوندا اے۔

ٹرانسپورٹ میڈیم

ٹرانسپورٹ میڈیم نوں تھلے دتیاں گیاں شرطاں پوریاں کرن چائیدیاں ایں:

• نمونیاں نوں عارضی طور تے محفوظ کن دی صلاحیت رکھدا ہووے تا کہ اناں نو لیبارٹری وچ پرکھیا جا سکے۔

• نمونیاں وچ موجود جانداراں دی تعداد بغیر تبدیل کیتے اناں نوں زندہ رکھن دی صلاحیت رکھدا ہووے۔

• جیدے وچ صرف بفر تے نمکیات ہوون۔

• جیدے وچ نکے جانداراں دی بڑھوتری روکن لئی کاربن، نائٹروجن تے نامیاتی عوامل نا ہوون۔

• ایناروباں نوں وکھرا کرن لئی آکسیجن دے بغیر ہووے۔

انرچڈ میڈیم

انرچڈ میڈیم وچ او غزائی اجزاؑ ہوندے نے جیہڑے بہت ساری قسماں دے جانداراں نو اگان لئی استعمال کیتے جا سکدے نے۔ عام طور تے اس میڈیم دا استعمال نمونیاں وچ پائے جان آلے سارے نکے جانداراں نو وکھرا کرن لئی کیتا جاندا اے۔

مثالاں:

• بلڈ ایگر: ایس میڈیم وچ خون چ پائے جان آلے غزائی اجزاؑ پائے جاندے نے۔

• چاکلیٹ ایگر: اے میڈیم خون نو 40-45 ڈگری تک گرم کر کے بنایا جاندا اے، جیدی وجہ توں اوہدا رنگ چاکلیٹ ورگہ ہو جاندا اے۔

ہور ویکھو

• ‎مائکروبیالوجی