سارلينډ

سارلينډ (الماني: Saarland) د آلمان یو ايالت دی. دغه ايالت د آلمان په سهيل لويديځ لوري کې پروت دی او دآلمان د راينلاند فالتز له ايالت او د لوکزامبورګ او فرانسې له هيوادونو سره ګډې پولې لری. له فرانسې سره نژدې والي د زارلند تأريخ ډير تر اغيز لاندې راوستی دی.

سارلينډ

Saarland (جرمني )

اړوند

په نوم د	Saar (en)
پلازمېنه	Saarbrücken (en)
ترټولو لوړه څوکه	ډولبرګ

ټوليز مالومات

عمومي مالومات	د جرمني فدرالي ايالت (۱۹۵۷ – ) د اندازه کولو واحد
وګړو شمېر	۹۸۶٬۸۸۷ — ۹۹۵٬۵۹۷ — ۱٬۰۱۷٬۵۶۷
پکي شاملې اداري سیمې	Merzig-Wadern (en) — Neunkirchen (en) — Regionalverband Saarbrücken (en) — Saarlouis (en) — Saarpfalz-Kreis (en) — St. Wendel (en)
د حکومت مشر	Minister-President of the Saarland (en)
غړی د	مالوماتي تېکنالوژۍ پرېکړه کوونکې شورا Zweckverband Personennahverkehr Saarland (de)
اداري سیمه	جرمني (۱۹۹۰ – )
هېواد	جرمني
ځایناستی د	سار تحت الحمايه

کچه او لوړوالی

د ځای کچه	۲٬۵۷۰ كيلومتر مربع

نور مالومات

وېب‌پاڼه	saarland.de (جرمني ژبه، فرانسوي ژبه)
کورډي‌نېشن	۴۹°۲۳′شمال ۶°۵۳′ختیځ

معلوما ت

• نفوس: ۱،۰۴ مليونه
• مساحت: ۲.۵۶۸ کيلومتر مکعب
• پلازمينه: زاربوکين
• د تأسيس نيټه: ۱.۱.۱۹۵۷

پېښليک

زارلند لا ډير ځوان ايالت دئ. په ۱۹۲۰ زيږديز کال د فرسيلار د تړون له پايلو سره سم د زار خاوره د لومړي ځل لپاره د يوه سياسی يووالي په توگه (په ژنيوکې) د پرگنود يووالي تر نظر لاندې راوستل شوه.

په ۱۹۳۵ کال ددې ځای اوسيدونکود پرگنيزو رأيو اخيستنو له لارې د آلمان له هيواد سره د يو ځای کيدو پريکړه وکړه. له دوهمې نړيوالې جگړې وروسته تر ۱۹۴۹ زيږديز کاله پورې د فرانسې تر ساتنې لاندې (تحت الحمايه) وو چې حتی خپل د فوټبال ملی ټيم او خپل داليمپيا ملی ټيم يي درلود. بيا په ۱۹۵۷ زيږديز کال زارلند د لسم ايالت په توگه د آلمان له فدرالي جمهوريت سره يوځای کيږی.

د کانونو او اوسپنې صنعت

د سکرو کندې، د اوسپنو فابريکې، لوگی خپروونکی دودکشونه، له ايرو او لوگيو ډکه هوا. د اويايمو کلونو ترپايه د نوينکيرشين او فولکلينگين په شاوخوا صنعتی سيمو کې دکور ميرمنو جرأت نه کاوه چې مينځلي کالي د باندې په تنابونو وځړوی. لوگيو هرڅه تورول. په زارلند کې په ښو وختونو کې ۵۰۰۰۰ تنو په کانونو کې کار کاوه، اوس يواځې ۴۰۰۰ تنه په دغه کار لگيا دی. له مخکينيو دوولسو کانونو څخه تر اوسه يواځې د اينسدورف کان پاتې دئ. دلته هم د ۲۰۰۸ زيږديز کال د فبرورۍ د مياشتې د سختې زلزلې له امله چې د سکرو د رايستلو په وخت کې پيښه شوه دم گړۍ راايستنه نه کيږی.

داقتصاد اهمې څانگې

زارلند سُتره کيږی، دودکشونه نور لوگي نه باسی ـ د فولکلينگين او نوينکيرشين د اوسپنو له هټيو نه ورو ورو صنعتی يادگارونه او د هنری نندارتونونو او کلتوری غونډو لپاره مرکزونه جوړيږی. د اتيايمو کلونو په پای کې زارلند يو بل نوی والی هم راوست. د ماکس پلانک او فراونهوفر د ټولنې نوميالي څيړنيز انستيتوتونه دلته ځای نيسی. ترټولو وړاندې د کمپیوټر، سافت وير(کمپيوټری پروگرامونه) او هنری استعداد.