Singapùùr

D'Republik Singapùùr (malaiisch: Republik Singapura, chin. 新加坡/新嘉坡 Xīnjiāpō, tamilisch: சிங்கப்பூர் குடியரசு) isch e Insel- und Stadtstaat und dr glainschti Staat z'Südoschtasie.

Republic of Singapore (engl.) 新加坡共和国 Xīnjiāpō Gònghéguó (chin.) Republik Singapura (malai.) சிங்கப்பூர் குடியரசு Ciŋakappūr Kudiyarasu (Tamil) Republik Singapur
{{{ARTIKEL-FLAGGE}}} {{{ARTIKEL-WAPPEN}}}
Wahlspruch: "Majulah Singapura" mal., "Vorwärts, Singapur"
Amtsspraach	Malaiisch¹, Chinesisch, Tamilisch, Englisch²
Hauptstadt	Singapur 3
Staatsoberhaupt	Tharman Shanmugaratnam
Regierigschef	Lawrence Wong
Flächi	(176.) 704 km²
Iiwohnerzahl	(117.) 4.657.542
Bevölkerigsdichti	(2.) 6558,1 Iiwohner pro km²
Brutto­inlands­produkt pro Iiwohner	(21.) 35.163 US$ (2007)
Währig	Singapur-Dollar
Unabhängigkeit	9. August 1965 (vo Malaysia)
Nationalhimne	Majulah Singapura
Zitzone	UTC + 8
Kfz-Kennzeiche	SGP
Internet-TLD	.sg
Vorwahl	+65
(1) Malaiisch isch Nationalschbrooch (2) Änglisch isch Verkehrs-, Handels- und Verwaltigsschbrooch (3) Singapur isch ä Stadtstaat.

Singapùùr i de Nacht

Name

De name vo Singapùùr chunt vom Malaisische "Singa" wo Leu bedüütet und "pura" wo Schtadt bedüütet. De "Sir Thomas Stamford Raffels" wo Singapùùr zunere Änglische Kolonii gmacht hät, seg emne Leu begägnet won er zerscht a Land aacho isch. Uff Malaisisch "Singapura" (gsproche: Singapuura). Suscht "Singapore" (gschproche: Singapor).

Geographii

Singapùùr isch e Gruppe vo 63 Insle südlich vo Malaisiä. Es isch nöch am Equator und hätt es dementsprächends Kliima (Equatorials Rägewaldkliima) wo I zwei Monsùùn Jahresziite de Nordöstlich und de Südweschtlichi Monsùùn (vom Dezämber-März und vom Juni-Septämber). I de Zwüschetziite gitts öfters Rägestürm am spöte Namitag und am Aabig. Temperatur isch au sehr konstant s ganze Jahr dure. S Land isch relativ flach, mit en ere totallä Flächi vo 692.7 km² (682.7km² devo land und 10km² devo Wasser). De höchschti Punkt z'Singapùùr isch de "Bukit Timah Hill" (166meter höch). Natürlichi Ressurse vo Singapùùr sind Fisch, Granit und Tüüfwasserhäfä.

Geologii

T Insle vo Singapùùr mit den Insle rundume wo au Singapùùr ghööred sind zum gröschte Teil uss Granit.

Bevölkerig

Singapùùr hät im Momänt zirka 4,5 Millionä Mänsche. T Regierig wötts bis uff 7,0 Millionä erhöche, um meh Gäld is Land z bringe. Eine vo de Haupt Ressurse vo Singapùùr sind Mänsche. T Mänsche vo Singapùùr chömmed i allne Forme und Farbe, wiä mer gsee chan vo de Viilfältigkeit vo Religionä und Spraache. T Mänsche läbbed harmonisch zämme uf so chliinem Ruum.

• Es git drüü grossi Ethnischigruppe z Singapùùr: Chinesisch (76.8%), Malei(13.9%), Tamiil (7.9%) und anderi (1.4%)

• Religionä: Für villi Lüüt z Singapùùr isch Religion en wichtigä Bestandtail vo ihrem Läbe.

Buddischtisch 42.5%, Muslimisch 14.9%, Taoistisch 8.5%, Hinduistisch 4%, Katolisch 4.8%, anderi chrischtlichi Konfessionä 9.8%, anderi Religionä 0.7%, kei Religion 14.8%.

• Spraache: Mandarin 35%, Änglisch 23%, Malai 14.1%, Hogchien 11.4%, Kantonesisch 5.7%, Toutschü 4.9%, Tamiil 3.2%, anderi chinesischi Dialäkt 1.8%, anderi Spraache 0.9%.

Gschicht

Singapùùr isch als allererschts es Fischerdörfli uf enere Insle gsii. Dänn isch es als e Britischi Handelskolonii 1891 gründedet worde. Währendem Zweite Wältchrieg isch Singapùùr e wichtigi Feschtig und Hafä für't Britte gsii, isch aber spöter vo de Japaner iigno worde. 1963isch es de Malaisische Federation biiträtte, aber hätt sich zwei Jahr spöter vo Malaisie trännt und isch am 9. Auguscht 1965 unabhängig worde. De Haupt Laiter vo Singapùùr während de Erschte Jahr isch de "Minister Mentor (Es Ehresamt wo extra für ihn erfunde worden isch) Lee Kuan Yew". Er hät mit sinnere Macht und mit sim Gäld Singapùùr uufboue zu dem riiche Staat wos jetzt isch.

Wirtschaft

Singapùùr isch aine vo de riichschte Länder vo de Wält mit m ne Bruttoinlandsprodugcht vo SDG$31,400 pro Chopf (i Singapùùr Doller = öppe 24'900 CHF). De Hauptgrund für diä ekonomischi Entwigchlig isch de Hafä, wo zur ziit einä vo de Gröschte i de Wält isch. Vorallem elektronischi und kompiuterverwannti Grät werdet in Singapùùr produziert, aber s Handlä isch immer no de primäri Gäldmacher.

Weblink

S CIA-Faktearchiv über Singapùùr