Chunkantin huchha llika

Chunkantin huchha llika icha Chunkaman chunka miraq chayri patmakuq (kastilla simipi: sistema decimal) nisqaqa chunkantin huchharayuq huchha llikam, makinchikkuna hina. Lliwmanta aswan rimaykunam chay huchha llikayuq, ahinataq qhichwa simi, manataq Chawpi Abya Yalapi indihina rimaykuna (nawa simi, maya rimaykuna, hukkunapas), iskay chunkantin huchha llika nisqayuq.

Kay hinam chunkantin huchha llika: huk (1) - (chunka kuti) --> chunka (10) - (chunka kuti) --> pachak (100) - (chunka kuti) --> waranqa (1.000) - (chunka kuti) --> chunka waranqa (10.000) - (chunka kuti) --> pachak waranqa (100.000) - (chunka kuti) --> hunu (1.000.000) - (chunka kuti) --> chunka hunu (10.000.000) - (chunka kuti) --> pachak hunu (100.000.000) - (chunka kuti) --> lluna (1.000.000.000) - ...