^*serv/i ^PV

(x)

1.

(iu) Plenumi difinitan laboron aŭ taskon por profito aŭ utilo kaj sub dispono de iu: servi iun, al iu; dek du jarojn ili servis al Kedorlaomer, kaj en la dek-tria ili ribeliĝis. [1]; viaj du servantoj servos al ni kiel atestantoj ^BdV ; ŝia Arturo ankaŭ servas sur fervojo ^FK ; li [kiel] soldato servis brave kaj kuraĝe, sed post la milito li ricevis eksiĝon kaj tri helerojn [2]; sinjoroj sin batas, servantoj vundojn ricevas ^PrV ; al du sinjoroj samtempe oni servi ne povas ^PrV ; al Dio servu, diablon rezervu ^PrV . servuti

2.

(iu) Kompleze havigi utilon al iu: en tia okazo li multe servis al mi; pri multaj el niaj frujaraj eminentuloj mankas al ni biografiaj informoj, kaj ni malbone servas al postaj generacioj, ne serĉante kaj arĥivante ilin ^KPr . helpi¹, komplezi, subteni²

3.

(evitinde) Surtabligi, prezenti¹ manĝaĵon aŭ trinkaĵon al iu: kiam oni servis al li malvarman kafon, li laŭte blasfemis ^KKl ; li servis al li glason da biero ^KKr ; oni servis cetere, kiel kutime, tiel eksterordinarajn manĝaĵojn, ke eĉ […] Apicius svenus je ilia vido ^QuV ; kie oni servis la manĝon en la ĝardeno? [3]; restoracio en la placo estis malfermita, sed ne servas manĝojn antaŭ la sepa [4]; oni servas la mitulojn en kolosaj kvantoj, en grandaj kaseroloj [5]. prezenti¹, oferti², proponi², regali¹, serviri (pilkon)

Rim.: Ĉi tiu signifo ne koheras kun la ĉefa kaj fundamenta signifo de servi, same kiel malkohera estus egale fuŝa „servi pilkon“ anstataŭ „serviri pilkon“. Se onin ne kontentigas la tradicia surtabligi, oni serĉu alian vorton, ekz-e „servumi“, prefere ol difekti la koheron de la fundamenta leksiko. La PIV-oj ĉi tiun missignifon por „servi“ ne akceptas. [Sergio Pokrovskij]

4.

(io) Esti utila por iu aŭ io: karbo servas por ardaĵo, ligno por fajro [6]; por kio servas mia laboro [7]? por kio servas mono en la mano de malsaĝulo [8]? mia mono servis por ŝtopi tre rimarkeblajn truojn ^GDn ; ĉiu lingvo servas por esprimi niajn pensojn ^ADL ; tiu vortarego […] servos kiel neoficiala kaj ne deviga konsilanto [9]; kio servas por ĉio, taŭgas por nenio ^PrV ; ne servas larmo anstataŭ armo ^PrV ; akvo kaj pano servas al sano ^PrV ; eĉ bagatelo povas servi al celo ^PrV . utili

5.

(io) Esti uzata por io: ĉio, kio moviĝas kaj vivas, servu al vi kiel manĝaĵo [10]; kelke da salatfolioj kaj kelke da kaŝtanoj […] servis al li kiel vespermanĝo [11]; aliaj pecoj servis kiel okulvitroj [12]. anstataŭi, funkcii², roli²

1.

Tasko plenumita por iu, sub kies dispono oni estas: mi fariĝis preskaŭ almozulo, kaj nur kun helpo de unu mia parenco ricevis servon sur fervojo ^FK ; unu el la eminentaj oficiroj petis Aŭguston eksigi lin de la servo kaj lasi al li la pension ^FK ; la granda, moda kaj riĉa magazeno bezonas la servon de vera armeo da komizoj, oficistoj k.t.p. ^Marta ; ĉu mi ne trovos ĉi tie iun, kiu alportus al mi lakton kaj bulkojn? mi pagus por la servo, mallaŭte diris la vidvino ^Marta ; vi konas la servon, per kiu mi vin servis [13]; vi faros servon al Dio sur ĉi tiu monto (vd diservo) [14].

2.

Tasko kompleze plenumita por ies profito: nia Lingva Komitato farus al ni tre grandan servon, se ĝi per komuna laboro de ĉiuj siaj membroj pretigus tian vortaregon [15]; servo ne petita ne estas merita ^PrV ; servo postulas reservon ^PrV . komplezo, subteno

3.

Konstanta funkcio, kiun ordinare plenumas sekcio de entrepreno aŭ administro: la sekcio de interesoj de Kubo en Usono anoncis la haltigon de siaj konsulejaj servoj [16]; krom tiu ĉi servo publika, la redakcio faras multajn servojn privatajn, divenante ekzemple al enamitoj pri la karaktero de iliaj idealoj ^FK .

4.

Utileco por io: la ventumilo, kiam ĝi estas malfermita, […] faras la servon de kurteno, kiu estas antaŭtirita, dum la vizaĝo faras tualeton ^FK ; tiu ĉi okulakvo […] faras bonegajn servojn ^FK .

La ago servi, regule, sinofere aŭ dum iom daŭra tempo: mi antaŭ jaro komencis mian servadon ĉe vi ^FK ; mi volas min elaĉeti el mia servado, mi estas sufiĉe riĉa ^DL ; ĉu li ne estos tute alia en lia juĝa servado? ^FK ; patriotismo aŭ servado al la patrujo mi nomas nur la servadon al la bono de ĉiuj miaj sampatrujanoj, de kia ajn deveno, lingvo aŭ religio ili estas [17]; [ili] deziras esti unuigitaj en internacia organizaĵo por reciproka sinservado [18]; tiel Mi multigos la idaron de Mia servanto David, kaj la Levidojn, kiuj faras servadon al Mi [19]; mi ĝis nun nenion atingis per mia servado en Peterburgo [20]; lia stabo aranĝis tre bone esploristan servadon [21]. aparato, instituto, organizaĵo

Tiu, kiu servas: li faris festenon por ĉiuj siaj servantoj kaj li venigis la vinistestron kaj la bakistestron en la mezon de siaj servantoj [22]; Jozef ordonis al siaj servantoj kuracistoj, balzami lian patron [23]; kia reganto, tia servanto ^PrV ; se la gasto estas amata, eĉ lia servanto ne restas malsata ^PrV ; mastro en vojo ― servantoj en ĝojo ^PrV ; ĉe mastro ŝtelisto la servantoj ne ŝtelas ^PrV . servisto

Komplezema, volonte faranta servojn: ĉar vi estas tiel servema, mi faras al vi donacon [24]. Atenanoj, mi rimarkas, ke vi estas ĉiurilate tro servemaj al diaĵoj [25]; servema kaj fervora ^FK ; servema mano al la buŝo ^Hamlet ; la komercisto alsaltis ridetante kaj serveme ^Marta ; kun kortuŝeco ŝi pensis pri […] la afableco kaj servemeco, kiun li montris al ŝi ^Marta ; ili ĉiuj kondutis tre serveme rilate al ŝi [26]; neimagebla servemo, per kiu mi estis helpata je ĉiu paŝo ^Metrop . asidua, fervora, humila, servuta, submetiĝema

Komputila procezo plenumanta specialajn funkciojn (servojn) laŭ mendoj de aliaj procezoj (klientoj); la komputilo en kiu ruliĝas tia procezo (en komputila reto, rilate al la klientaj retnodoj): kiam uzanto sendas retmesaĝon, ĝi iras al servilo, kiu kutime apartenas al la retprovizisto de la sendanto [27]; poŝtoservilo [28]; por protekti mian komputilon mi provis elfiltri ĉion, kio estis en la angla lingvo […] mi plurfoje ŝanĝis interretajn servilon kaj retadreson, sed vane [29].

Homo kies okupo estas plenumi personajn servojn al iu: Boaz demandis sian serviston, la estron de la rikoltistoj: kiu estas ĉi tiu knabino? [30]; li estis nur la unua el la princaj servistoj ^IK ; miaj servistoj kaj ĉambristinoj ne estos hejme: mi disdonis al ili biletojn, ankaŭ al geservistoj de l' princino ^Mary ; la sekvantan matenon eniris la servistoj kaj servistinoj [31]. ĉambristo, lakeo, grumo.

Tuto da servistoj en unu domo: li havis […] grandan servistaron [32]; li mem destinis kaj mezuris la varojn al sia servistaro [33]; [li ensaltis] supren en la servistejon (kp mezanino), mezen de la altkvalita servistaro, kiu paradis en silkaj ŝtrumpoj, kaj tiuj fieraj homoj tute rigidiĝis de teruro ^Fab3 ; se la traveturanta oficisto demandos la servistaron, ĉu ili estas kontentaj, ili diru: ni pri ĉio estas kontentaj, via moŝto [34].

Inseksa servisto: Rebeka kaj ŝiaj servistinoj […] sidiĝis sur la kameloj [35]; en la granda salono en la vintraj vesperoj sidadis la mastrino kun siaj servistinoj kaj ŝpinadis lanon kaj linon [36]; ĉiuj kortegaj sinjorinoj kun siaj servistinoj kaj kun la servistinoj de siaj servistinoj kaj ĉiuj kavaliroj kun siaj servistoj kaj kun la servistoj de siaj servistoj, kiuj ankaŭ havis servobubon, staris en ordo ĉirkaŭe [37].

(tr)

Servante zorgi pri iu aŭ io: la granda besto […] ĉiam estas priservata, striglata, vartata kaj ricevas bonan manĝadon kaj drinkadon [38] en la domo de la cezaro ne mankis sklavinoj […] por la persona priservado ^QuV ; la knabinoj restis ĉe la fajro por priservi la ebriajn lagokamaradojn ^InfanTorent2 ; ili priservis nur la tablon de Demetrio [39]; fermi restoraciojn, kafejojn, rifuzi priservi eksterlandanojn [40]; ĉu verŝajne, ke firmao elspezus nur por priservi la homojn sen profito ^KrM ? [la glacirompiloj] levas pezajn ŝarĝojn de la marfundo, priservas marajn petrolkampojn kaj borstaciojn [41]; nia [elektro]stacio priservas ĉiujn proksimajn entreprenojn ^Metrop ; tri urboj estis priservataj de la sama distrikta gazeto ^KrM . provizi³

Plenumado de religiaj ritoj: li ĉiudimanĉe ĉeestis la Diservon kun sia maljuna patro kaj kantadis la sanktajn kantojn [42]; eĉ la unua interligo havis ordonojn pri Diservado kaj sanktejon mondan [43]; tamen la pastroj sekrete faras diservojn por la resaniĝo de la faraono [44]; la pastroj, kunpreninte malgrandan kapelon de Amon, suriris la supron de la plej proksima altaĵo kaj diservis tie [45]; mi ankaŭ ĉeestis diservon de kriegantaj derviŝoj [46]; la Psalmaro estas fonto de multegaj frazoj eldirataj dum mesoj kaj aliaj diservoj [47].

Servo de organizaĵo funkcianta kiel koresponda librovendejo: la CO prizorgas la eldonan fakon, la libroservon, la bibliotekon ^EeP ; mi ekvidis en Libroservo de Universala Kongreso diskon kun deklamaĵoj de Nikolaj Rytjkov [48]; en la menciita ĉelaga tendaro funkciis eta libroservo, kaj mi aĉetis kelkajn lernilojn [49]; libroserva katalogo [50].

Kie oni mem sin priservas: universitata memserva restoracio ^Gerda ; en la memserva kafejo de Puŝkina biblioteko […] mi menciis la aferon entuziasme al kolegoj ^CKv ; la pasaĝero uzas memservan budon por printi la bagaĝetikedojn kaj poste transdonas la bagaĝon al fluglinia akceptisto [51]; en koridoroj de ĉiuj etaĝoj ekzistas mempriserva ebleco por akiri kafon, teon kaj aliajn trinkaĵojn [52]; antaŭ ekveturo mi aĉetis multe da ĉiutagaj necesaĵoj en proksima memservejo laŭ ŝia listo [53]; (figure) la kvar regionoj estis transformitaj en vastajn memservejojn kie plurnaciaj mafioj povis renkontiĝi por ekspluati la oron, kupron [54]; IKEA konsekvence realigis la sistemon de mem-servado [55]; memservado intertempe aplikas torturajn aparatojn: biletojn por tramo kaj trajno mi devas aĉeti per aŭtomato, monon mi ne plu ricevas ĉe bankogiĉeto de afabla homo, kiun oni konas de multaj jaroj kaj kun kiu oni volonte babilas iomete [56].

Oficejo, teamo aŭ alispeca servo, kiu provizas helpon: UEA kaj TEJO anoncis pri la funkciigo de speciala helposervo [57].

Servado, kiun plenumas soldato: [li] iris en fremdlandan militservon [59]; resti libera de militservo [60]; kvankam Nikolao Petroviĉ tute ne posedis famon de kuraĝulo […] oni destinis lin, kiel filon de generalo, por la milita servado [61]; ĉar lia farto iom malfortigita de la malsano, ne ebligis la reprenon de militservo tiel lacegiga kiel tiu de l’ Afrika militado, li skribis al sia regimentestro kaj petis de li daŭrigon de sia libertempo [62]; ĉar li pro subtendevo al patrino estis liberigita de militservo, li volas almenaŭ iom ripari sian mankon tiurilate [63].

Rim.: Tia servado povas esti profesia, aŭ portempa, por milita trejnado aŭ por defendi sian landon.

Esti plenumanto de militservo: eniris la restoracion grupo da soldatoj, eble ok aŭ naŭ, junaj viroj, kiuj militservis, videble [64]; mi mem estis juna kaj militservis ^Mary .

Spionoficejo, kiu ĉiurimede kolektas informojn pri aliaj regnoj, eventuale eksterleĝe agas en ili, defendas la propran regnon kontraŭ fremdaj sekretaj servoj, terorismo kaj similaj: la israela sekretservo estas konata kiel unu el la plej efikaj en la mondo [65]. okcidentaj sekretservoj taksas, ke pasos ankoraŭ kelkaj jaroj, ĝis Nord-Koreio disponos pri atombombo taŭga por atakoj [66]; sekret-servisto Putin plifortigos la sekretan servon, kvankam kritikantoj asertas, ke jam delonge Rusion ne plu regas ministraro sed la sekreta servo [67]; la ŝtato posedas sep diversajn sekretajn servojn, kiuj ĉefe ŝirmas la reĝimon, ne la popolon [68].

Komenci daŭran servadon, ekofici por iu funkcio: li mem, kiel li diris, intencas enservigi sin sur ŝipo, al tio estas direktitaj ĉiuj liaj deziroj [69]. sin dungigi