Akira Kurosawa

Akira Kurosawa (黒澤 明, ^? e pure 黒沢 明) (Tokyo, 23 marze 1910 – Tokyo, 6 settemmre 1998) ha state 'nu reggiste, sceneggiatore, mundatore, produttore cinematografeche e scrittore giapponese.

Akira Kurosawa

Recanusciute cumme une de le personalità cinematografeche cchiù 'mbortande d'u XX sechele, jè probbabbilmende 'u cchiù granne e imitate cineaste giapponese e le film sue onne 'nfluenzate assaije forte le generaziune de reggiste de tutte 'u munne. 'A prima pellicola soje, Sugata Sanshiro, assìe jndr'à le sale jndr'à 'u 1943; invece l'urteme, Madadayo - Il compleanno, jndr'à 'u 1993. Picche cineaste onne avute 'na carriere accussì longhe e acclamate. 'Mbrà le varie premie avute vale 'a pene de arrecurdà 'u Leone d'Ore a 'a Mostre d'u Cineme de Venezie jndr'à 'u 1951, l'Oscar a 'a carriere jndr'à 'u 1990, 'a Palma d'Ore a 'u Festivàl de Cannes jndr'à 'u 1980 e 'u Leone d'Ore a' carriere a 'a Mostre d'u Cineme de Venezie jndr'à 'u 1982.

Biografije

Discendende de 'na famigghia nobbile de samurai, urteme figghie de Isamu e Shima, 'a famigghia soje ere fatte da ttre frate e quattre sore.

Une de le frate sue murìe apprime d'a nascita soje e, une de le sore sue avenìe accise da 'na malattie quanne jidde tenève dece anne. Jndr'à 'u periode d'a scole, accumenzò a 'nderessarse a 'u disegne, a 'a petture e a 'u tiatre, ma devendò pure 'n'esperte de kendo e 'n'appassionate de golf. Avere state pe merite d'u frate Heigo, esperte e appassiunate de cineme, ca Akira accumenze a avvicinarse a quidde ca pò devendò 'u cambe sue. 'U frate, ca pò se accedìe jndr'à 'u 1930, facìe nascere jndr'à jidde 'a passione pa letterature e soprattutte pe William Shakespeare.

Poster d'u film Le sette samurai d'u 1954, une de le film cchiù famose d'u reggiste

Jndr'à 'u frattiembe, Kurosawa accumenze l'attività de benshi, commendatore de film musecale, ca le permette de canoscere le produziune de le reggiste de quidde tiembe. Jndr'à 'u 1936, avène assunde da 'na case de produzione cinematografeche cumme assistende reggiste.

Apprisse 'nu periode de collabborazzione cu Kajirō Yamamoto, addò sotte 'a direziona soje le avenìe date, pa prima vote, 'a sceneggiature de 'U cavadde, accumenzò 'a probbia carriere da cineaste. Kurosawa duranne 'a vita soje 'ndrucò 'u Giappone cangià combletamende, passanne da 'na anzione sotte a 'nu reggime totalitarie cu ambiziune militare a putenze economeche pacifiste. Pure ce jè particolarmende arrecurdate pe le prime film sue girate 'nguedde a le anne cinguande e sessande d'u XX sechele, Kurosawa condenuò a scrivere e diriggere film 'mbonde a quanne nurìe jidde, jndr'à 'u 1998.

Le film cchiù famose de Kurosawa onne state ambiendate jndr'à 'u periode feudale d'u 'Mbere d'u Giappone (cchiù o mene XIII - XVII sechele). Certe trame de le pellicole sue sò adattaminde (cchiù o mene fedele) de opere de Shakespeare, cumme Ran (1985), ca se basave sus a Re Lear, e Il trono di sangue, basate sus a Macbeth. La fortezza nascosta, 'a storie de 'na pringipesse, 'nu generale, e doje condadine 'gnorande e rauseje, ave avute 'n'influenza forte assaije sus a George Lucas pa ccrejazzione d'a saghe de Star Wars. Le otre film cchiù canusciute de Kurosawa, sembre 'mbrondate sus a le figure mitiche e epiche de le samurai, sò Rashōmon (vengetore d'u Leonde d'ore a' Mostre d'u Cineme de Venezie jndr'à 'u 1951, 'nu premie ca facìe pigghià a 'u reggiste 'na fame ca le aprìe le porte de l'Occidende a 'u cineme giapponese), I sette samurai, cchiù tarde refatte jndr'à 'u western I magnifici sette, e La sfida del Samurai, ca avere date 'a base pu prime spaghetti-western de Serge Leone cu Clint Eastwood, Per un pugno di dollari. Yojimbo vedìe pure 'nu sequel, Sanjuro.

Kurosawa dereggìe pure 'nu sbuènne de adattaminde de classece d'a letterature russe, combrese L'idiota, tratte da 'u romanze omonime de Fëdor Michajlovič Dostoevskij, e I bassifondi, tratte da 'u romanze omonime de Maksim Gorkij, ma pure de otre auture cumme Arsenev Nel profondo Ussuri e Dersu Uzala pe girà 'u film omonime. Anatomia di un rapimento jè invece basate sus a Due colpi in uno d'u scrittore de le State Aunìte d'Americhe Ed McBain. Sidece de le film sue, fatte 'mbrà 'u 1948 e 'u 1964, onne state 'nderpretate da certe atture ca returnavane, 'mbrà le quale iesse Toshiro Mifune, ca accumenzò a collabborà cu 'u reggiste jndr'à 'u 1948 cu L'angelo ubriaco e spicciò jndr'à 'u 1965 cu Barbarossa.

Apprisse a stu film, Kurosaea passò da 'u vianghe e gnure a 'u culore, cangianne pure 'u stile, ca apprime avenève caratterizzate da 'na tendenze condinue a l'epiche. 'U film sue apprisse Dodes'ka-den, film a eppisodie sus a le disadattate e le emarginate prodotte da 'a suggetate giapponense, non ge fù 'nu belle successe. Kurosawa accumenzò a fatià sus a 'nu proggette de Ollivud, Tora! Tora! Tora!; ma 'a 20th Century Fox 'u cangiò cu Kinji Fukasaku apprime ca 'u film avenesse combletate.

Apprisse a st'affronde, Kurosawa, coerende cu 'u spirite giapponese ca avere appettate jndr'à le film sue, pruvò a acciderse, sopravvivenne. Girò allore 'nu sbuénne de otre film: Dersu Uzala, girate jndr'à l'Aunione Sovietiche e ambiendate jndr'à Sibberie de le prime anne d'u XX sechele, vengìe 'nu premie Oscar pu megghie film furastiere; Kagemusha (prodotte 'nzieme a Francis Ford Coppola e George Lucas) ca se pigghiò invece 'a Palma d'ore 'nzieme cu All That Jazz - Lo spettacolo continua, 'a storie de 'nu maschele ca jè 'u sosie de 'nu nobbile d'u Medioeve e ca pigghiè probbie l'idendità soje; Ran, prodotte sta vote cu 'a Frange, devendò 'nu vere e probbie successe 'ndernazionale, e jè da 'nu sacche conziderate 'u raggiungimende artisteche cchiù ierte d'a carriere de Kurosawa. Le urteme film d'u reggiste combrennene Sogni, Rapsodia in agosto e Madadayo - Il compleanno.

'U stile sue, semblice ma 'a uerre probbie e 'a capacità soje de alternò tone vasce e brutte fatte a otre grave e traggece, onne condrebbuite a 'a ccrejazzione de 'nu cineme epiche e senze 'a retoreche, e allore classeche e innovative jndr'à 'u stesse tiembe.

Filmografije

• Sugata Sanshiro (1943)
• Spirito più elevato (Ichiban utsukushiku) (1944)
• Sugata Sanshiro parte seconda (Zoku Sugata Sanshiro) (1945)
• Quelli che camminavano sulla coda della tigre (Tora no o fumu otokotachi) (1945)
• I costruttori di domani (Asu o tsukuru hitobito) (1946)
• Non rimpiango la mia giovinezza (Waga seishun ni kuinashi) (1946)
• Una meravigliosa domenica (Subarashiki nichiyobi) (1947)
• L'angelo ubriaco (Yoidore tenshi) (1948)
• Il duello silenzioso (Shizukanaru ketto) (1949)
• Cane randagio (Nora Inu) (1949)
• Scandalo (Shubun) (1950)
• Rashōmon (1950)
• L'idiota (Hakuchi) (1951)
• Vivere (Ikiru) (1952)
• I sette samurai (Shichinin no samurai) (1954)
• Testimonianza di un essere vivente (Ikimono no kiroku) (1955)
• Il trono di sangue (Kumonosu-jō) (1957)
• I bassifondi (Donzoko) (1957)
• La fortezza nascosta (Kakushi toride no san-akunin) (1958)
• I cattivi dormono in pace (Warui yatsu hodo yoku nemuru) (1960)
• La sfida del Samurai (Yōjinbō) (1961)
• Sanjuro (Tsubaki Sanjūrō) (1962)
• Anatomia di un rapimento (Tengoku to jigoku) (1963)
• Barbarossa (Akahige) (1965)
• Dodes'ka-den (1970)
• Dersu Uzala - Il piccolo uomo delle grandi pianure (Dersu Uzala) (1975)
• Kagemusha - L'ombra del guerriero (Kagemusha) (1980)
• Ran (1985)
• Sogni (Yume) (1990)
• Rapsodia in agosto (Hachi-gatsu no kyōshikyoku) (1991)
• Madadayo - Il compleanno (Madadayo) (1993)

Premie e recanusceminde

Premie Oscar

• 1952 - Megghie film furastiere pe Rashomon
• 1970 - Nominescion megghie film furastiere pe Dodes'ka-den
• 1976 - Megghie film furastiere pe Dersu Uzala - Il piccolo uomo delle grandi pianure
• 1981 - Nominescion Megghie film furastiere pe Kagemusha - L'ombra del guerriero
• 1985 - Nominescion megghie reggiste pe Ran
• 1990 - Oscar a 'a carriere

Mostre d'u cineme de Venezie

• 1951 - Leone d'ore pe Rashomon
• 1954 - Leone d'argende pe I sette samurai
• 1957 - Nominescion Leone d'ore pe Il trono di sangue
• 1961 - Nominescion Leone d'ore pe La sfida del samurai
• 1965 - Nominescion Leone d'ore pe Barbarossa

Festivàl de Cannes

• 1980 - Palma d'ore pe Kagemusha - L'ombra del guerriero

David de Donatelle

• 1977 - Megghie film furastiere pe Dersu Uzala - Il piccolo uomo delle grandi pianure
• 1981 - Megghie film furastiere pe Kagemusha - L'ombra del guerriero
• 1986 - Megghie film furastiere pe Ran

Nastre d'argende

• 1976 - Megghie film furaatiere pe Dersu Uzala - Il piccolo uomo delle grandi pianure
• 1980 - Megghie film furaatiere pe Kagemusha - L'ombra del guerriero

Festivàl de Berline

• 1959 - 'A megghie reggie pe La fortezza nascosta

Onorificenze

Cavagliere de l'Ordine d'a Leggione d'Onore - nastrine pe uniforme ordinarie

Cavagliere de l'Ordine d'a Leggione d'Onore

Cavagliere de Gran Croce Ordine a 'u Merite d'a Repubbleche Tagliane - nastrine pe uniforme ordinarie

Cavagliere de Gran Croce Ordine a 'u Merite d'a Repubbleche Tagliane

— Itaglie, 28 febbrare 1986.

Granne Ufficiale Ordine a 'u Merite d'a Repubbleche Tagliane - nastrine pe uniforme ordinarie

Granne Ufficiale Ordine a 'u Merite d'a Repubbleche Tagliane

— Itaglie, 23 sciugne 1981.

Bibbliografije

• Akira Kurosawa, Volare, tradotto da Hideyuki Miyakawa, Torino, EGA, 1992, ISBN 88-7670-153-2.
• Aldo Tassone, Akira Kurosawa, Melane, Il Castoro Cinema, 1994, ISBN 88-8033-015-2.
• Akira Kurosawa, L'ultimo samurai. Quasi un'autobiografia, a cura di Aldo Tassone, tradotto da Roberto Buffagni, Melane, Baldini&Castoldi, 1995, ISBN 88-8089-850-7.

Otre pruggette

Altri progetti

• Uicchimedie Commons

• Uicchimedie Commons tène files multimediale sus Akira Kurosawa

Collegaminde fore a Uicchipèdie

• Schede sus a Akira Kurosawa de l'Internet Movie Database
• (EN) Profile sus a Japan Zone, su japan-zone.com. URL conzultate il 12 scennare 2016.
• (EN) Akira Kurosawa News and Information, su akirakurosawa.info. URL conzultate il 12 scennare 2016.
• (IT) Kurosawa ‹kurosaua›, Akira, in Treccani.it – Enciclopedie on line, Rome, Istitute d'a 'Ngeclopedije Tagliàne. URL conzultate il 12 scennare 2016.