Canada
'U Canada (o Canadà) Jè 'nu State Federale multinaziunale ca combrende dice Provinge e ttrè Territorie jndr'à vanne nord de ll'America settendrionale, e jè delimitate da ll'Oceane Atlàndeche ad est, da 'u Pacifeche ad ovest e da ll'Oceane Arteche a nord. Jè, dope 'a Russie, 'u paise cchiù spannùte d'u munne e confine cu lle Statère Aunìte d'Americhe a sud e a nord-ovest (Alaska).
'U Canada jè 'na democrazie parlamendare e 'na monarchie costituziunale, guvernate d'a Reggine Lesabbètte II d'u Regne Aunìte. 'U Canada ha ottenute le 'ndependenze da 'u Regne Aunìte attraverse 'nu longhe prucesse de emancipaziune, ca s'ète svolte 'mbrà 'u 1867 ed 'u 1982.
Jè 'nu state multiculturale e bilènghe: le 'nglise ed 'u frangese sonde le lèghe ufficiale, cu 'na paretate de status. Comunque jndr'ô Canada, pe' 'u motive d'a combosiziune d'a popolazzione, furmate da 'nu munne de etnie, ed a lle condinue flusse immigratorie, sonde parlate assaje otre lènghe. Jndr'ô 2006 'a provinge d'u Québec jè state recanosciute cumme naziune. 'U bilènguisme 'mbone ad 'u guverne federale l'obbleghe ccu fornisce servizie jndre totte e dò lle lènghe ufficiale d'u paise.
'U Canada ha forte legame economece e, jndr'ô Canada 'nglise pure culturali, cu lle State Aunìte d'Americhe.
Le crestiáne sonde chiamate canadesi o pure, pe' stè sciucànne, canucks.
'U nome se penze ca hàve origgene jndr'ô 1535, duranne le esploraziune longhe 'u jume San Lorenzo combiute da Jacques Cartier. Alcune Irochese se referirone ad 'u villagge de Stadacona, 'a future cetate de Quebec, ausanne 'u termine kanata (ca jndr'à lòre lènga vuè ccu dice villagge, comunetate). Jacques Cartier ha ausate accussì 'u nome Canada pe' totte 'u territorie jndre cui se iacchieve 'u villagge de Stadacona. Jndr'à lle anne ca sonde avenùte nnande 'u nome innecave sus a lle carte sciugrafeche totte le territorie a nord d'u jume San Lorenzo[2].
Jndr'à lle sèchele XVII e XVIII 'u nome Canada ha state ausate pe' innecà le territorie d'a Nuève Frange, spannènnone vije vije l'ause fine a recombrennerve alcune vanne de lle territorie statunitense de ôsce a die.
Jndr'ô 1791, 'u Canada Act a scucchiáte 'a provinge d'u Quebec jndre dò vanne: 'u Haut Canada ed 'u Bas Canada. Le dò colonie fùrene reaunite jndr'ô 1841, cu 'u nome de Provinge d'u Canada.
Jndr'ô 1867, pe' spiccià, 'u British North America Act aunì 'a Nuève Scozie ed 'u New Brunswick a Quebec e Ontario, facendone "'nu uneche dominie sutte 'u nome d'u Canada" (scacchianne quiste nome 'nvece de lle otre ca fùrene proposte: Victorialand, Borealia, Cabotia, Tuponia - The United Provinces of North America, Superior, Norland e Hochelaga).
Popolazzione
cangeEtnie
cangeJndr'ô cenzimènde canadese d'u 2001, a le canadese avenève chieste 'a lòre origgene: (le percenduale superane 'u 100%, a cause d'a multiple origgene etneche de 'na granna vanne de le javitànde)
Canadese (29,43%)
Bretànneche (34,2%)
Frangese (15,8%)
Irlannese (12,9%)
Tedesche (9,25%)
Tagliàne (4,3%)
Cenise (3,7%)
Ucraine (3,61%)
Olannese (3,12%)
Pulacche (2,76%)
Norveggese (1,23%)
Purtughese (1,21%)
Russe (1,14%)
Svedese (0,95%)
Ungherese (0,90%)
Fonde: (EN, FR) Statisteche sus 'u cenzimènde generale d'u Canada - 2001
Cetate
cange'A capitale Ottawa (Ontario) jè sulamènde 'a quarte cetate pe' numere de crestiáne dope Toronto (Ontario), Montreal (Quebec) e Vancouver (British Columbia). Aqquà d'abbasce sonde elengate le 10 cetate cchiù populose[3].
| Le aree metropolitane - Canada | ||||||||||
|---|---|---|---|---|---|---|---|---|---|---|
| Rank | Cetate | Provinge | Pop. | Rank | Cetate | Provinge | Pop. | |||
| 1 | Toronto | Ontario | 6,500,000 | 11 | Kitchener | Ontario | 451,235 | |||
| 2 | Montreal | Quebec | 4,000,000 circa | 12 | St. Catharines - Niagara | Ontario | 390,317 | |||
| 3 | Vancouver | British Columbia | 2,116,581 | 13 | Halifax | Nova Scotia | 372,858 | |||
| 4 | Ottawa | Ontario - Quebec | 1,130,761 | 14 | Oshawa | Ontario | 330,594 | |||
| 5 | Calgary | Alberta | 1,079,310 | 15 | Victoria | British Columbia | 330,088 | |||
| 6 | Edmonton | Alberta | 1,034,945 | 16 | Windsor | Ontario | 323,342 | |||
| 7 | Quebec | Quebec | 715,515 | 17 | Saskatoon | Saskatchewan | 233,923 | |||
| 8 | Winnipeg | Manitoba | 694,668 | 18 | Regina | Saskatchewan | 194,971 | |||
| 9 | Hamilton | Ontario | 692,911 | 19 | Sherbrooke | Quebec | 186,952 | |||
| 10 | London | Ontario | 457,720 | 20 | St. John's | Terranova e Labrador | 181,113 | |||
| Cenzimènde canadese d'u 2006[4] | ||||||||||
Note
cange- ↑ Jè une de le 51 State ca honne date vite a ll'ONU jndr'ô 1945.
- ↑ gutenberg.org, http://www.gutenberg.org/files/12356/12356-h/12356-h.htm.
- ↑ Statistics Canada
- ↑ Population and dwelling counts, for census metropolitan areas, 2006 and 2001 censuses - 100% data
'Ndruche pure
cangeOtre pruggette
cange
Uicchiquote tène citazioni sul Canada
Uicchizionarie tène il lemma di dizionario «Canada»
Uicchinotizie tène notizie di attualità sul Canada
Uicchimedie Commons tène files multimediale sul Canada
Wikiatlas tène 'na vôsce d'atlande su Canada
| Condrolle de autorità | VIAF (EN) 136600716 · ISNI (EN) 0000 0001 2238 5050 · LCCN (EN) n79007233 · GND (DE) 4029456-0 · BNE (ES) XX5625199 (data) · BNF (FR) cb120149708 (data) · J9U (EN, HE) 987007552531105171 · NSK (HR) 000404084 · NDL (EN, JA) 00564831 |
|---|
Collegaminde fore a Uicchipèdie
cange- Canada sus a Open Directory Project (Segnala sus a DMoz 'nu collegamende ca cendre cu l'argomende "Canada")
- Jndr'à lle terre selvagge - Recerche sus 'u Canada jndre 'nu viagge de 7000 km d 'u soje 'nderne.