Uicchipèdie

Europe

continende

L'Europe jè 'na reggione geografeche d'a Terre costituite principalmende da 'na penisole situate jndr'à parte occidentale d'u continende Eurasie. Pè 'a conseguenze de fatture storeche-culturale, jè conziderate jedde stesse 'nu continende, pure ce 'mbrà le cchiù piccenne, 'a soje superficie 'nfatte tène n'estenzione de sule 10.400.000 km² (estenzione sulamende de picche superiore a l'Oceanie e a l'Antartide, le dò continende cchiù piccenne d'a Terre) popolate tuttavie da 800.000.000 de crestiáne ca portane jedde ad essere 'u terze continende cchiù popolate (dope l'Asie e l'Afriche).

Immagine da 'u satellite de l'Europe
Europe
Europe
Europe, 1000.

'U confine naturale soje jè costituite pè 'nu luènghe tratte da 'u mare: jè delimitate a nord da 'u mare Glaciale Arteche, ad ovest da l'oceane Atlàndeche, a sud da 'u mar Mediterranee, a sud-est da 'u mar Gnure e da 'u Caucaso, ad est da 'u mar Caspio, d'a catene monduose de le Urale e da 'u jume Ural.

'A storie europee e 'a soje culture onne 'nfluenzate assaje totte 'u munne civilizzate. 'A posiziune cendrale de l'Europe, 'n confronde a le otre continende, e 'a penetrazione d'u mare onne sembre favurite le comunicazzióne 'mbrà le populazzione de le diverse reggione e le migraziune verse le otre reggione d'u munne. 'U clime mite de bbuène parte d'u continende, inoltre, aví fatte crescere 'a densetà de populazzione.

Posiziune de l'Europe jndr'ô munne

L'origgene d'u nome "Europe"

cange

'U toponime "Europe" vène d'a lenga greche (jndre greche: Ευρώπη) ca segnefeche "larghe fazze" (probabilmende 'nu appellative d'a lune) ed ere 'na figure d'a mitologije greche. Europe ere 'a figghie de Agenore re de Tiro, andiche cetate fenicie e colonie greche jndr'à l'aree mediterraneo-medioriendale. Zeus, 'nnamuratose de jedde, decide de rapirle e se trasforme jndre 'nu splendide tore vianghe. Mendre cògghiave le fiure 'n rive a 'u mare Europe vide 'u tore ca sa faceve nnande. Ere 'nu picche scànnute me 'u tore se sdraie sus a le soje pide ed Europe se tranquillizze. Vedende ca se lassave accarezzare Europe sale sus 'a groppe d'u tore ca se gette jndr'ô mare e 'a conduce fine a Crete. Zeus se retrasforme 'n die e le cunfesse le soje amure. Onne avute ttrè figghie: Minosse, Sarpedonte e Radamanto. Minosse devende re de Crete e diéde vite 'a civiltà cretese, culle d'a civiltà europee. 'U nome Europe, da quiste momende, stè a segnefeche le terre ca stonne a nord d'u Mar Mediterraneo.

Nascite de l'Europe e de le europee

cange

Jndre epoche greche e romane l'Europe ere 'nu termine sciugrafeche non definite, 'na terre a nord d'u Mediterraneo, d'a quale non ge se canoscevane le confine settentrionali. Jndr'à recostruzione d'u sceografe greche Ecateo de Mileto (m. 480 a.C) 'a terre combrendeve dò continende divise da 'u Mediterraneo, cendre d'u munne: da 'na parte l'Europe confinate a nord da le scanosciute reggione iperboree; dall'otre l'Asie, jndr'à quale erene combrese pure l'Egitto e 'a Libia.

Assaje raramende le autore latine ausane le termine "Europe" ed "europee". 'U prime ca ause 'u termine cu 'nu segneficate assaje pertinende ad 'a fine d'u VI sechele ha state l'abate irlannese San Colombano, future funnatore d'a abbazie de Bobbio, ca le cite (tutus Europae) jndr'à 'na lettere a 'u pape Gregorio Magno. Pure 'u monache Isidoro Pacensis, aví ausate 'u termine pè indicare le suldate ca sotte 'a guide de Carlo Martello, onne combattute a Poitiers (prospiciunt Europenses Arabum tentoria, nescientes cuncta esse pervacua). 'A battagghie aveve assunde 'nfatte 'nu granne valore simboliche: l'Occidente cristiane idealmende rappresentate da l'Europe, ca aveve fermate l'espanzione arabe; e accussì Isidoro aveve ausate l'aggettive "europee" pè attribuì 'na identità collettive a le uerriere ca onne fermate le 'nvasure musulmane.

L'Europe devende pè 'a prime vote 'na concrete e nuève realtà politeche cu le 'mbere de Carlo Magno. 'Mbrà 'a fine d'u VIII e l'inizie d'u IX sechele, dope 'a fine de 'nu trentennie de uerre contre Longobarde, Avare, Sassone e Slave, nasce 'na nuève entità jndr'à quale convergone l'andiche putènze de Rome, l'autorità spirituale d'u somme pontefice e 'a forze de le sciuvane popule germaniche. Carlo, 'nu sciuvane condottiere franghe funne l'Europe, ca da generiche espressione sciugrafeche divende 'nu granne 'Mbere ca ause 'a stesse monete, ca ause 'u latine cumme lenga ufficiale scritte e ca professe 'na sule releggione.

Storie

cange
  Pe approfondimende, 'ndruche 'a vôsce Storie d'Europe.

L'Europe jè caratterizzate da 'na luènghe storie de granne successe culturale ed economeche ca onne inizie jndr'à l'età d'u bronze. L'origgine d'a culture occidentale jè generalmende attribuite a le andiche grece e a le 'mbere romane, ca onne dominate 'u continende pè 'nu munne de sechele, spannendose fine otre 'u Reno e 'u Danubio.

Dope l'avvende d'u Cristianesime e 'a cadute de le 'mbere romane, l'Europe trasè jndre 'nu luènghe timbe de stase, descritte da le penzatore rinascimendale cumme l'età buie, e chiamate da le storeche moderne cumme Medioevo. 'N quiste periode s'aví l'Espanzione d'u Cristianesime jndr'à Europe 'mbrà 'u V e 'u VIII sechele e assaje comunità monastiche salvaguardarono le canoscenze misse 'nzieme 'n precedenze, mettennole pè scritte; 'mbrà de jedde quedde colombaniane e benedettine.

La fine d'u Medioevo s'aví cu l'inizie d'u Rinascimende ca da Firenze se deffonde jndr'à totte l'Europe e 'a nascite de le nuève monarchie naziunale ca demarcarone l'inizie de 'nu periode de nuève scuperte, de esplorazziune e de sviluppe scientifeche. Jndr'ô XV sechele 'u Purtugalle aprì 'a strade de le scuperte, sùbbete seguite d'a Spagne e da deverse otre naziune europee, 'mbrà totte particolarmende Frange e Gran Bretagne, ca funnarone vaste 'mbere coloniale jndre territore de Africa, Americhe ed Asie.

Dope l'età de le scuperte, l'idee d'a democrazie se fazze strade jndr'à Europe. Onne accussì inizie le uerre pè l'indipendenze, 'mbrà totte jndr'à Frange, jndr'ô periode de timbe note cumme 'a Rivoluzione frangise, a le quale onne fatte eco assaje otre rivoluzione ca se spannerone jndr'ô continende 'nzieme a le idee ca propugnavane. 'A nascite d'a democrazie fece crescere le tensione già preesistende, causate d'a competizziune pè 'a conquiste d'u Nuève Munne. 'N particolare Napoleone Bonaparte ha state capace de formare 'nu nuève 'mbere frangise egemone jndr'à Europe, ca tuttavia non ge resse a le uerre contre le coalizione formate da le'Mbere de Russie e Austrie e le regne d'Inghilterre e Prussie appoggiate da 'u regne d'u Purtugalle e d'a guerriglie misse 'n atte d'a popolazziune spagnole. Successivamende, l'Europe se stabilizzò, pure ce accusì non ge sarebbe state pè sembre.

Jndre anne seguende le state Europee stabilirone 'nu dominie tecnologiche, culturale, politeche ed economiche sus a 'u reste d'u munne, conquistanne o riducenne 'n colonie granne estenzione territoriale jndr'à Americhe, Africa ed Asie ed Oceanie. 'N quiste periode nascerone jndr'à Europe pure nuève ideologie, dapprime 'u romanticisme seguite cchiù nnande da 'u capitalisme, 'u nazionalisme, 'u comunisme e 'u darwinisme. Fù comungue 'nu periode de tensione sociale caratterizzate da l'industrializzazione, le mote rivoluzionare d'u 1848 e da le politeche espansionisteche de le ccihù granne state europee, tenute jndre 'nu precarie state de pace durande 'a fine d'u sechele da 'u cancelliere tedesche Otto Von Bismarck grazzie ad alleanze ca divisere 'n dò 'u continende.

Jndr'ô 1914 quiste tensione purtarene jndr'à Prime uerre mundiale durate fine a 'u 1918 e ca vide sconfitte le dò cchiù granne 'Mbere continentale, quidde tedesche e quidde austro-ungariche. Le tensione sociale e 'mbrà le state europee crescerone n'otre vote a 'nu punde da arrivà jndr'à Seconde uerre mundiale, 'a quale ha state principalmende provocate d'a politeche aggressive misse 'n atte picche prime da le guverne fasciste e nazionalsocialiste rispettivamende d'Itaglie e Germanie sostenute jndr'à l'Asie da le 'Mbere Giapponese. Le dò uerre prime scucchiárone e pò squasciarone l'egemonie d'u continende sus a 'u reste d'u pianete lassanne 'u puèste de leader mundiale a le State Aunite condrastate sule da l'Unione Sovietich.

Da 'u 1945 a 'u 1991 l'Europe se retrove attraversete d'a linee de confine 'mbrà 'u blocche occidentale-capitaliste e quidde oriendale-comuniste, situazziune finite cu 'u squasciamende de l'URSS e ca a stù mumende jè angore 'n fase de assestamende, cu 'a creazione de l'Unione europee, 'u probleme de le rapporte cò 'u munne arabe jndr'ô bacine d'u mediterraneo e d'u confronde cu 'u ruole egemoniche assunde da le U.S.A. jndr'ô nuève scacchiere 'ndernaziunale.

Sciugrafije

cange
  Pe approfondimende, 'ndruche 'a vôsce Sciugrafije de l'Europe.

Sciugrafecamende l'Europe jè 'na parte d'u supercontinende eurasiatiche.

'U confine ad est d'u continende parte da le monde Urale jndr'à Russie, vè nnande cò 'u fiume Ural, 'u mar Caspio e 'a depressione d'u Kuma-Manych a sud, ca le scucchie da l'Asie. Quiste linee de demarcazziune fù accusì definite da 'u zar de Russie fine da 'u 1730 sus 'a base de le fatije sciugrafeche d'u tedesche Philip Johan von Strahlenberg. Tuttavie non totte sonde daccorde cu quiste convenziune: accusì, de addà d'u fiume Ural, pure l'Emba pote essere ausate cumme confine, e le vette d'u Caucaso potène cògghiere 'u puèste de le fiume Kuma e Manych.

'U mar Gnure, 'u Bosfore, 'u mar de Marmara e le Dardanelle quagghiane 'u confine cu l'Asie. 'U mar Mediterranee a sud scucchie l'Europe da l'Afriche, mendre ad ovest 'u confine jè date da l'Oceane Atlàndeche, e combrende pure l'Islanne. Non g'è angore state quagghiate 'u dibattite sus addò stè 'u cendro sciugrafeche de l'Europe.

  Pe approfondimende, 'ndruche 'a vôsce Pajsere transcontinendale.

Quiste frondiere ad est de l'Europe sonde sulamende politeche, economeche e culturale, ma non ge sonde sciugrafeche. Quiste ha date origgine a 'nu sacche de 'nderpretazzione sus a le confine europee e accussì sus a 'u territorie de cui l'Europe jè comboste, includenne o escludenne 'ndere paise. Quasi totte le paise europee facene parte d'u Conziglie d'Europe, cu le eccezziune d'a Bielorussie, d'a Cetate d'u Vaticane, d'u Kazakistan e d'u Kosove.

L'idee d'u continende Europee, però, non g'è universalmende accettate. Quacche aree sciugrafeche al de fore de l'Europe sonde tese a riferirse a 'u continende Euroasiatiche o vidone l'Europe cumme 'nu sub-continende, purcè non g'è combletamende circunnate da 'u mare, ca se pote definì cchiù cumme n'aree culturale ca sciugrafeche. Jndr'ô passate quiste suddivisione ere ritenute valide pè 'u fatte ca scucchiáve 'u territorie de le crestiáne da le non crestiáne.

'A parole Europe jè quacche vote ausate cumme abbreviazione pè 'a Comunetate Europee (CE) (cchù nnande devendate Aunìone Europee) e de le soje state membre, ca da 'u 1º scennare 2007 sonde 27.

'A distribuzione de le risorse idriche jndr'à Europe jè irregulare. 'U Vècchie Continende, dope le Americhe e l'Oceanie, jè tuttavie 'u continende cu 'a cchiù granne disponibilità de resorse idriche 'n rapporte a la populazzione.

Punde estreme

cange
  Pe approfondimende, 'ndruche 'a vôsce Punde estreme de l'Europe.
Punde cardinale Tradizionale Effettive
(massa continendale)		 Effettive
(isole e territorie annesse)
Nord   Cape Nord   Knivskjellodden[1]   Rossøya, Svalbard[2]
Sud   Punde de Tarifa   Punde de Tarifa   Capo Tripiti, Gavdos[3]
Est   Monde Urali   Repubbleche de Komi   Cape Želanija
Ovest   Cape Slea[4]   Cabo da Roca   Bjargtangar[5]

Caratteristeche fiseche

cange

L'Europe jè comboste da 'n inzieme de penisole cullegate. Le cchiù granne 'mbrà quiste sonde 'a "terreferme" europee e 'a Scandinavie a nord, scucchiáte da 'u mar Baltico. Ttrè penisole minore, Iberie, Itaglie e Balcane, venène fore da 'u margine meridionale de l'endroterre jndr'ô mar Mediterraneo, ca le scucchie da l'Africa. Ad est, 'a terreferme europee se spanne fine a 'u confine cu l'Asie sus a le monde Urale.

Le rilieve jndr'à Europe facene vide granne dislivelle jndre aree relativamende piccenne. Le reggione meridionale, comungue, sonde 'n prevalenze monduose, mendre, ce se vé verse nord, 'u terrene scenne da Alpi, Pirenei e Carpazi, verse altopiane collinose e pò le granne e vasce pianure d'u nord, particolarmende vaste a oriende. 'A zone pianeggiande jè canosciute cumme 'a Granne Pianure Europee, e tène 'u soje cendre jndr'à Pianure Tedesche d'u Nord. 'Nu arche mondane stè pure sus 'a coste nord-occidentale, jidde cominge ad ovest cu le Isole Britanniche e condinue luènghe l'asse mondagnuse, squasciate da le fiorde, d'a Norveggie.

Quiste jè 'na descriziune semblificate. Sotte reggione cumme l'Iberie e l'Itaglie tènene le lòre proprie comblesse caratteristeche, cumme 'a terreferme europee stesse, addò le rilieve tènene assaje altopiane, valle de le fiume e bacine ca comblicane 'a strutture generale. L'Islanne e le Isole Britanniche sonde case speciale. Se penzave ca erene terre a sé jndr'ô oceane settentrionale ca jè conziderate cumme 'na parte de l'Europe, mendre mò se penze ca sonde aree mondagnuse 'nu timbe aunite a la terreferme fine a che l'aumende d'u levelle d'u mare non ge le aví spinde fore.

A cause de le picche generalizzaziune ca se potène fare sus a l'argumende de le rilieve de l'Europe, non g'è sorprendende ca assaje reggione separate onne ospitate 'nu sacche de naziune 'ndipendente durande 'a soje storie.

Popolazziune europee

cange

'A popolazziune de l'Europe jè cirche 731.000.000 abitande, distribuite sus a 10.180.000 km². 'A denzetà medie jè pare a 70/km².

L'Europe, pure ce jè une de le continende cchiù piccele, jè 'u cchiù denzamende popolate. Le cause de quiste concendrazziune sonde da cerche 'n diverse fattore, 'n prime puèste 'a posiziune sciugrafeche: l'Europe jè 'nfatte quase totte combrese jndr'à fascie temberate, e l'80% d'u territorie se pote ausare pè l'agricolture e pè le attività umane.

Jndr'ô corse de le sèchele, 'u continende Europe aví subite forte 'ncremende e decremende de popolazziune, legate a le avvenimende storeche. Le prime date attendibbile sonde de l'ere crestiáne, quanne se penze ca jndr'à Europe stavane 40 miglione de crestiáne, 'ndorne a le rive d'u mar Mediterraneo. Cu le 'nvasiune barbareche s'ha avute 'nu forte cale dovute a le uerre condinue, a le carestie ed epidemie. 'Ndorne a 'u mille grazzie a 'a rinascite de l'agricolture e 'a conzeguende riprese economeche, 'a popolazziune returne de nuève sus a le cifre de le sèchele precedende. A partire da 'u XI sèchele e fine a le inize d'u XIV sèchele ce fu 'nu costande aumende: da le cirche 35 miglione de abitande jndre l'anne 1000, sonde arrivate a 80 miglione jndr'ô 1330. 'A crescite condinue fine a 'nu nuève crolle jndr'ô XIV sèchele 'n seguite ad assaje ondate de peste, 'a cchiù spavenduse quedde d'u 1347, ca aví fatte vinde miglione de vittime.

Jndr'ô Quattrecinde 'a popolazziune retorne a crescere senze 'nderruzione, cu sule 'na fase de stagnazione jndr'à prime metà d'u XVII sèchele.

Sulamende a le inizie d'u 1700 'a popolazziune retorne ad assestarse sus a le 120-125 miglione. 'A cause de l'incremende stave 'nu forte cale d'a mortalità infandile, cumme conseguenze d'u miglioramende de le condiziune igieniche e sanitarie de 'na granne parte d'a popolazziune, e d'u progresse economeche conseguende a 'a rivoluzione 'ndustriale e a 'a rivoluzione agricole.

Da quedde date 'n nnande l'incremende demografeche ha state condinue: 180 miglione jndr'ô 1800, 390 miglione jndr'ô 1900, 700 miglione jndr'ô 2000.

Dope 'na fase de crescite zere, da 'u 2000 'n pò 'a popolazziune europee hagghie iniziate nuovamende 'nu decline demografeche a cause d'a riduzione d'a natalità.

'U case de l'Europe jè uniche a 'u munne purcè totte le otre continende tènene ritme de crescie assaje elevate.

Le 40 cetate cchiù populose d'Europe

cange
  Pe approfondimende, 'ndruche le vôsce Demografije de l'Europe e Aree urbane cchiù populose de l'Unione europee.

Quèste liste rappresende le cetate de l'Unione europee pè crestiáne d'u territorie comunale, ovvero 'u perimetre de le confine ufficiale d'a cetate vere e proprie (de solite 'u cendre storeche).

S'ha da tenè presende, però, ca assaje cetate (jè 'u case de Parigge, Melane, Napule o Francoforte sus a 'u Meno) sonde cresciute, jndr'ô timbe, assaje cchiù de le picche e anacronisteche confine amministrative 'mbrà cui sonde 'nzerite e ca parlare de cetate, jndre sense sàtte satte, signifeche conziderà le 'ndere aree urbane.

Date relative a le municipalità.

Flore e faune europee

cange

Avènde vissute fianghe a fianghe cu 'a civiltà agricole e 'ndustriale pè millenne, animale e piande europee sonde state jndre sèchele assaje segnate d'a presenze e attività de l'omme. Cu l'eccezziune d'a Scandinavie e d'a Russie, se potène scuprì picche aree 'ncondamenate e selvatiche jndr'à Europe, tranne le parche naturale.

'A prengepale vegetazione naturale da cui jè cuperte l'Europe jè 'a foreste. Le condiziune pè 'a soje crescite sonde assaje favorevule. A nord, 'a Corrende d'u Gurfe e 'a Corrende d'u Nord Atlantiche rescaldane 'u continende, a sud 'u clime jè mediterraneo, e ce sonde assaje siccità estive jndr'à quiste reggione. Le creste de le mondagne onne spesse assaje 'nfluenze sus a le condiziune climateche, alcune (Alpi, Pirenei), sonde oriendate da l'est a l'ovest e fanne 'n mode a 'u víende de portare granne masse d'acque da l'oceane verse le 'nderne. Otre sonde oriendate da sud a nord (Mondagne Scandinave, Alpi Dinariche, Carpazi, Appennini) e purcè 'a chiogge cade prime da 'u late de le mondagne oriendato verse 'u mare, le foreste potène cresce mègghie da quiste parte, mendre da l'otre late, le condiziune sonde assaje mene favorevule. Sus a picche angole de l'Europe non g'è pascolate 'u bestiame jndre millenne, e 'a granne deforestazziune aví causate danne 'ncalcolabbele a l'ecosisteme originarie.

'Nu timbe l'Europe ere cuperte 'mbrà 'u 80% e 'u 90% da le foreste, ca se spannevane da 'u Mediterraneo a l'Artiche. Pure ce cchiù d'a metà de le foreste originarie sonde scombarse jndre sèchele de colonizzaziune, l'Europe tène 'ngore cchiù de 'nu quarte de le foreste mundiale, abete jndre foreste d'a Scandinavie, vaste foreste de pine jndr'à Russie, castagne jndr'ô Caucaso, e 'a quercie jndr'ô Mediterraneo. Jndre timbe recende, 'a deforestazziune s'ha fermate e 'nu munne de àrvule sonde state piandate. Comungue, spesse le conifere sonde state preferite a le origgenale àrvule decidue, pè 'a cause d'u veloce timbe de crescite. Le piantagione e le monocolture mò tènene vaste aree de terre, e quiste offre picche habitat pè le specie animale originarie de le foreste europee. 'U crescere de le foreste originarie jndr'à Europe Occidentale jè sule da 'u dò a 'u ttrè pè cinde, jndr'à Russie europee da 'u jndr'à a 'u dece pè cinde. 'U paise mene cuperte da foreste jè l'Irlanne (8%), quidde cchiù cuperte jè 'a Finlandie (72%).

Jndr'à terreferme, stonne pè 'a prevalenze le foreste decidue. Le specie cchiù 'mbortande sonde 'u faggie, 'a betulle e 'a quercie. Jndr'ô nord, addò cresce 'a taighe, 'a betulle jè assaje comune. Jndr'ô Mediterraneo, 'nu munne de ulive sonde state piandate, purcè quiste se ambiendane assaje bbuène a 'u clime aride estive. N'otre specie comune jndr'à Europe Meridionale sonde le cipresse. Le foreste de conifere stonne pè 'a prevalenze ad altezze elevate, sus a 'u confine de le foreste, e jndr'ô nord de Russie e Scandinavie, a 'u farse nnande de l'Artiche, stè pè 'a prevalenze 'a tundre. Le reggione mmienze aride d'u mediterraneo tènene pure piande d'u sottobosche. 'Na strette lenga d'a praterie euroasiatiche, 'a steppe, se spanne verse est da l'Ucraine e 'a Russie meridionale verse l'Ungherie, e passe pè 'a taighe jndr'ô nord.

Sonde endemiche europee dò Specie de palme, 'a Chamaerops humilis, chiamate pure palme nane o de San Pitre d'u Mediterraneo meridionale, e 'a Phoenix theophrasti o dattere de Creta, de l'isole omonime.

'A cchiù recende glaciaziune e 'a presenze de l'omme, onne 'nfluenzate 'a distribuzione d'a faune europee. Jndre 'nu sbuenne de parte de l'Europe, predatore e granne animale sonde state cacciate fine all'estinzione. 'U mammut e l'ure se sonde estinde, e ôsce, lupe (carnivore) e orse (onnivore), sonde a rischie de estinzione, mendre 'nu timbe stavane quase 'n totte le parte jndr'à Europe. Comungue, 'a deforestazziune hagghie costrette quiste animale a scunnerse sembre de cchiù. Già jndr'ô Medioeve l'habitat de le orse ere limitate a mondagne cchiù o mene inaccessibbele cu 'na granne coperture boschive. Ôsce, l'orse brune vive principalmende jndr'à penisole balcaniche, jndr'ô nord e jndr'à Russie; 'nu picche numere de esemblare stè angore jndr'à Europe (Austrie, Pirenei, ecc.) ma 'n quiste aree sonde succhiáte ed emarginate pè 'a distruzione d'u lòre habitat. Jndre estreme nord de l'Europe se pote vedè l'orse polare. 'U lupe, 'u seconne cchiù granne predatore jndr'à Europe dope l'orse brune, se pote vedè principalmende jndr'à Europe Oriendale e jndre Balcane.

Otre carnivore 'mbortande sonde 'a lince eurasiatiche, 'u gatte selvatiche, le volpe (specialmende 'a volpe russe), sciacalle, martore, riccie, serpende (vipere, bisce...), assaje acidde e mammifere, cumme roditore, cerve, capriole e cinghiale, jndre mondagne marmotte, stambecche e camosce 'mbrà le otre.

Pure le creature d'u mare sonde 'mbortande pè 'a flore e 'a faune europee. 'A flore marine jè specialmende fitoplancton. Otre animale 'mbortande ca stonne jndre mare europee sonde zooplancton, mollusche, echinoderme, crostacee, calamare, vurpe, pìsce, delfine e balene.

'Nu picche de animale stonne pure jndre grotte, cumme le protee e le pipistrelle.

Economije

cange
  Pe approfondimende, 'ndruche 'a vôsce Economije d'Europe.

L'economije europee jè comboste da cchiù de 710 miglione de crestiáne 'n 48 paise deverse.

Cumme otre continende, 'u benessere de le paise europei cange, pure ce le cchiù povere sonde assaje sus 'a medie de le otre paise cchiù povere de le otre continende 'n termine de PIL e standard de vite. Le differenze pè 'u benessere jndr'à Europe potène essere viste specialmende jndr'à direttrice Est-Ovest. 'Nfatte le paise de l'Europe Occidentale onne totte otre livelle de PIL e standard de vite, mendre assaje economije de l'Europe Oriendale stonne a venè fore da 'u collasse de l'Unione Sovietiche e de l'Ex-Jugoslavie.

Cumme continende, l'Europe tène l'economije cchiù vaste d'u munne. L'economije naziunale cchiù granne jè quedde d'a Germanie, ca jè quarte 'n termine de PIL nominale e quinde 'n PIL PPP. Le otre pringipale economije sonde quedde d'u Regne Aunite, Frange, Itaglie e Spagne.

L'economije de 'nu sbuenne de state europee jè cuncendrate sus a le 'ndustrie e sus a le servize. Jndr'ô continende stonne le sede de assaje gruppe 'mbortande, operande jndr'ô settore bancarie, commerciale e d'a comunicaziune. L'Europe, già culle d'a Rivoluzione 'ndustriale, tène pure 'nu sacche de attività manifatturiere. Cchiù limitate jè 'u ruole d'a agricolture e d'u allevamende.

Turisme

cange
 
Cracovia, Pulonie

'U turisme jè une de le settore cchiù sviluppate de l'economie d'u continende. L'Europe jè 'nfatte 'u continende ca concendre le cchiù deverse e visitate attrazione turisteche d'u munne, purcè cunde sus a le soje millenne de storie ca le onne tramannate 'nu sbuenne de vestigie monumendale, cetate d'arte, ma vande pure attrazione paesaggisteche, naturalisteche e parche divertimende.

Statère europee

cange

L'Europe tène 50 statère 'ndependende[6], elenghete apprisse ('mbrà parendese stè scritte 'a capitale).

 
Mappe politeche de l'Europe a 'u 2007

Territorie cu status 'ncerte o condroverse

cange

Reggione de l'Europe

cange

Le suddivisiune de l'Europa sonde assaje arbitrarie, 'n quanne stonne picche consense pè assaje definiziune ca sonde state proposte. Non g'esiste nisciune precise convenziune geografeche; 'a seguende mappe rappresende, comungue, l'idee cchiù comune de quale naziune formane le varie reggione d'u continende.

 
Totte le reggione de l'Europe, rappresentate sus 'a mappe

Europe occidentale

cange
  Pe approfondimende, 'ndruche 'a vôsce Europe occidentale.

L'Europe Occidentale ('n russe sus 'a mappe), combrende Gran Bretagne, Irlanne, Frange e 'u Benelux (Belge, Olanne e Lussemburghe). 'N quacche case, combrende pure 'a Germanie, pure se jè cchiù appropriate conziderarle jndr'à Europe Cendrale. N'otre case, 'u concette de Europe Occidentale se riferisce a le 'ndere mmienze occidentale de l'Europe, 'ncludende 'a Penisole Iberiche (Spagne, Purtugalle, Andorre), 'a penisole tagliàne (Itaglie, San Marine, Cetate d'u Vaticane), le paise nordiche (Norveggie, Svezie, Finlandie, Islanne, Danemarche), e le paise alpine (Germanie, Svizzere, Liechtenstein, Austrie, Slovenie) e Monache. Ausate 'n senze storeche o politeche (facende riferimende a le divisiune d'a Uerre Fredde), 'u termine pote combrendere pure 'a Grecie e 'a Turchie.

Europe cendrale

cange
  Pe approfondimende, 'ndruche 'a vôsce Europe cendrale.

Europe Cendrale ('n azzurre sus 'a mappe) jè 'nu termine mene ausate 'n confronde a Europe Occidentale e Oriendale, spesse, le soje naziune sonde classificate jndr'à l'une o jndr'à l'otre categorije. Solitamende, riferendose a l'Europe Cendrale, se parle d'u Gruppe de Visegrad (Pulonie, Repubbleche Ceche, Slovacchie, Ungherie), e de le Paise Alpine (Svizzere, Liechtenstein, Austrie, Slovenie, Germanie).

Europe oriendale

cange
  Pe approfondimende, 'ndruche 'a vôsce Europe oriendale.

Europe Oriendale ('n arancione sus 'a mappe), non g'è 'nu cuncette definite bbuène, cumme pè l'Europe Occidentale. Combrende assaje naziune d'a ex Unione de le Repubbleche Sovietiche Socialiste (Bielorussie, Kazakistan, Moldavie, Russie, Ucraine), spesse le State baltiche (Estonie, Lettonie, Lituanie), cchiù raramende 'a Polonie. Spesse combrende pure 'u Caucaso, o le paise Transcaucasiane (Armenie, Azerbaijan, George), sebbene quiste potène pure essere conziderate parte de l'Asie. Jndre 'nu cchiù ambie cunteste economeche/politeche, pote pure essere combrese 'u Gruppe de Visegrad (Polonie, Repubbleche Ceche, Slovacchie, Ungherie), e le Balcane (Albanie, Bosnie Erzegovine, Bulgarie, Croazie, Grecie, Macedonie, Romanie, Serbie, Mondegnure). Durande 'a Uerre Fredde, le Paise Comuniste d'u Blocche Sovietiche (le appartenende a 'u Patte de Varsavie), erene definite cumme "Europe Oriendale". Spesse 'u termine però combrende pure paise non appartenende a 'u Blocche Sovietiche cumme l'Albanie e l'Ex Jugoslavie.

Europe settentrionale

cange
  Pe approfondimende, 'ndruche 'a vôsce Europe settentrionale.

L'Europe Settentrionale ('n viole sus 'a mappe) jè rappresendate cumme n'inzieme de le paise nordeche ("Scandinavie" jndr'ô soje senze cchiù ambie: Norveggie, Svezie, Finlandie, Islanne e Danemarche). Quacche vote pure l'Estonie jè cundate cumme 'nu paise nordeche, pè le soje forte legame culturale cu 'a Finlandie. 'U termine Europe Settentrionale, però, cundate tène n'aree cchiù ambie, cu 'na parte de l'Europe a nord de le Alpi. 'N quiste case, combrende le Isole Britanneche (Gran Bretagne e Irlanne), 'u Benelux (Belge, Olanne e Lussemburghe), 'a Frange settentrionale, 'a Germanie, le paise baltiche (Estonie, Lettonie e Lituanie), quacche vote pure Polonie e Russie.

Europe meridionale

cange
  Pe approfondimende, 'ndruche 'a vôsce Europe meridionale.

Europe Meridionale ('n verde sus 'a mappe), jè 'nu termine ausate 'n mode simile a quidde de Europe Settentrionale. Combrende 'a Penisole Iberiche (Spagne, Purtugalle, Gibilterre e Andorre), 'a penisole Tagliàne (Itaglie, San Marine, Cetate d'u Vaticane), Monache e 'a Penisole Balcaniche (Albanie, Bosnie Erzegovine, Bulgarie, Croazie, Grecie, Macedonie, Romanie, Serbie, Mondegnure e Kosove). Solitamende 'u restande State Mediterranee, furmate da Malte, e d'a Tracie oriendale (jndr'à Turchie) sonde combrese a lòre vote. 'N senze culturale pure 'a Frange meridionale e 'a Corsiche se potène combrendere.

Asie

cange
  Pe approfondimende, 'ndruche 'a vôsce Asie.

Quacche state tène de le territore combrese sie jndr'à Europe ca jndr'à l'Asie ('n rose sus 'a mappe). Quiste sonde: Russie, Kazakistan, Turchie, Azerbaijan, Grecie (quacche isole d'u Mar Egeo sotte 'u paise elleniche sonde jndr'à l'Asie) e George. Le lòre territore asiatiche sonde culorate 'n rose chiare. Otre state sonde combletamende jndr'ô continende asiatiche, ma sonde conziderate parte de l'Europe pè raggione storeche e culturale (Armenie, Cipre), sonde culorate 'n rose scure. L'enclave de l'Azerbaijan de Nakhchivan, jè pure culorate 'n rose scure purcè non g'è n'estenzione continue d'u territorie de l'Azerbaijan.

'Ndruche pure

cange

Liste e tavele

cange

Note

cange
  1. ↑ Jndr'à realtà pure Knivskjellodden jè situate sus a n'isole, pure ce assaje vicine e non g'è conziderate tale. 'U punde sus 'a terre ferme jè 'n realtà 'u sembre norveggese Cape Nordkinn
  2. ↑ Jndr'à realtà 'a Terre de Frangische Gesèppe, isole russe, jè assaje cchiù settentrionale, ma non g'è conziderate sciugrafecamende parte de l'Europe
  3. ↑ Ce se conziderane le Isole Madeira o le Canarie cumme territorie europee, date ca siugrafecamende sonde associate a l'Africa ma politicamende dipendende da Purtugalle e Spagne, potène essere 'u punde cchiù meridionale
  4. ↑ Da 'nu munne de crestiáne, specialmende irlannese, quiste punde jè conziderate cumme 'u cciù occidentale d'Europe. Jidde non g'è corrette date ca l'Islanne jè assaje cchiù ad ovest, pure ce comprensibbele date 'a lontananze de l'isole nordiche d'a masse continendale europee 'n combronde de l'Irlanne. 'A certezze derive da 'u fatte ca jndre timbe antiche l'Islanne non g'ere d'u totte conziderate 'na terre europee quande artiche. Ma 'u fatte curiuse jè ca non ge se conziderane le Isole Blasket, ca stonne proprie nnanze a 'u promontorie: a quiste punde Tearaght Island avrebbe dovute essere 'u punde cchiù ad ovest d'Europe, fatte ca comungue non g'è.
  5. ↑ Ce se conziderane totte le varie dipendenze politeche europee, le Isole Azzorre avrebbere dovute essere 'u punde cchiù occidentale, o addiritture le Isole Cayman. Sus a le Azzorre stè pure 'nu rilieve geologeche da fare, date ca sonde disposte sus a dò placche terrestre distinde: ce se conzidere le 'nderne arcipelaghe 'u primate sarebbe de [[Flores (Azzorre)|]], oppure ce se conzidere sule 'a placche eurasiatiche sarebbe Faial 'a cchiù occidentale
  6. ↑ 'U Kosove jè 'n litigge pè l'indipendenze, non g'è recanusciute pè l'UE ma da quache otre paise. Vide Relaziune 'ndernaziunale d'u Kosove
  7. ↑ 7,0 7,1 7,2 Sciugrafecamende jndr'à Asie (escluse quacche piccele vanne de George e Azebaigian), me spesse conziderate vanne de l'Europe pè raggione storeche e culturale.
  8. ↑ Alcune isole apprisse a la Turchie sonde sciugrafecamende jndr'à Asie.
  9. ↑ Se trove jndr'à Europe sule 'nu piccenne stuezze a Ovest d'u fiume Ural
  10. ↑ https://web.archive.org/web/20100404073128/http://www.minbuza.nl/en/You_and_the_Netherlands/About_the_Netherlands/General_information/The_country_and_its_people
  11. ↑ 'U stuezze europee conziste ne le territore ad ovest de le Urale e d'u jume Ural; 'u Caucaso russe jè spesse conziderate vanne de l'Europe pè raggione storeche e culturale.
  12. ↑ Escluse le cetate de Ceuta e Melilla, ca stonne jndr'à Afriche.
  13. ↑ 'A parte europee combrende le territore a nord-ovest d'u Bosforo e d'u strette de le Dardanelle.

Otre pruggette

cange

Cullegaminde fore Uicchpèdie

cange

Fotografie

cange


Continende d'a Terre
 
Africa 		 
Antartide 		 
Asie 		 
Oceanie 		 
Europe 		 
Americhe settentrionale 		 
Americhe meridionale
Pigghjete da "https://roa-tara.wikipedia.org/w/index.php?title=Europe&oldid=146721"
  NODES
Done 3
eth 2
orte 7
see 1