Литосфера

Литосфе́ра, од грец. λίθος камѣнь + σφαίρα куля — твердая оболона Землѣ, складена зо земной коры и верхньой густѣйшой части земного плаща.

Схематичный перерѣз Землѣ:
(злѣва в пропорции, справа — непропорционално)

1. Кора (1a — под океаном и 1b — под континентами);
2. Плащ (верхний, обсягуючый астеносферу, и нижний);
3. Ядро: 6/3a — вонкашне (текуче); 7/3b — внуторне (тверде);
4. Литосфера (кора и верхний ствердлый плащ);
5. Астеносфера

Грубина под океанами чинить 5–100 км, минимална под серединныма океаничными гребенями, максимална на периферии океанох, а под континентами — 25–200 км и веце, минимална под молодима горскыми утворами, вулканичныма дугами и континенталныма рифтовыма зонами, максимална под щитами стародавных платформ. Найвекшы штруктурны части литосферы суть литосферны плиты, розмѣр якых в поперечнику чинить 1–10 тыс. км.

Литосфера подстелена астеносферов, а въедно они творять тектоносферу, в котрой ся одбывають основны геологичны процесы.

Жерела и одказы

• Білецький В.С. (ред.) Мала гірнича енциклопедія. В 3 т. / за ред. . – Донецьк : Схід. видав. дім, 2013. Том 2. ISBN 57740-0828-2
• Петров О.В. (гл. ред.) Геологический словарь в трех томах. Изд. третье. — СПб.: Изд-во ВСЕГЕИ. ISBN 978-5-93761-246-5