Придавникы

Придавникы (тыж адъєктівы, з латиньского nomen adiectivum < adiectum „тото, што лежыть піля“) суть повнозначны змінны части речі, котры передають властности або одношіня назывників. У языках, якы розлишують роды, ся назывникы справила згодують з родом назывника, котрый розвивають.

Ступнёваня придавників

Придавникы годен ступнёвати у трёх ступнях:

1. Позітів - основны ступінь (Павло є высокый.)
2. Компаратів - порівнавать два субєкты (Павло є высшый як Петро.)
3. Суперлатів - вымеджує субєкт з цалку (Павло є найвысшый з класы).

Максімалный прояв якости означать частка як- на початку суперлатіва: якнайуспішнїшый, якнайкрасшый, префікс пре- приданый на початок суперлатіва выражать максімалну ознаку: пренайблаженїша і префікс пре- на початку основной формы творить форму найвысшого ступня штілово зафарблену: прекрасный, превеликый.

Нереґуларне ступнёваня придавника добрый у дакотрых языках

• русиньскый: добрый - лїпшый - найлїпшый
• анґліцькый: good - better - the best
• нїмецькый: gut - besser - am besten´´
• латиньскый: bonus - melior - optimus

Придавникы в русинчінї

Придавникы в русинчінї дїлиме на:

• якостны - ознакы предмета
• односны - властность є означена через одношіня к другому субєкту
• присвойны - приналежность особі або звірятю

За склонёванём дїлиме на:

• тверды - новый, мамин
• мнягкы - синїй, песїй

Дакотры придавникы суть утворены з часослов (біжати - біжачій), з придавників ся можуть творити присловникы (быстрый - быстро) або назывникы (фаребный - фаребность).

Література

• Василь Ябур, Анна Плїшкова. Русиньскый язык про 1. - 4. класу середнїх школ із навчалным русиньскым языком і з навчанём русиньского языка — 1. — Пряшів: Русин і Народны новинкы, 2007. — С. 65 - 68. — 288 с. — ISBN 978-80-88769-77-4.

Референції

Тоты даны суть часточно або цалком основаны на перекладї статї Přídavné jméno на чеській Вікіпедії.

Тота статя є затля „Стыржень“. Поможте Вікіпедії так, же єй доповните і росшырите.