Социалистична Федеративна Република Югославия
| Социалистична Федеративна Република Югославия (СФРЮ) Социјалистичка Федеративна Република Југославија
| |||||||||||||||
| Гимна: Гей, Славяне | |||||||||||||||
| Гесло: Братство и единство | |||||||||||||||
География
| |||||||||||||||
Розлога
|
255 804 km² (юл 1989)
| ||||||||||||||
| Обывательство | |||||||||||||||
Число
|
23 724 919 (юл 1989)
| ||||||||||||||
| Державна организация | |||||||||||||||
Форма влады
|
|||||||||||||||
югославскый динар
| |||||||||||||||
Взник
|
|||||||||||||||
Заник
|
|||||||||||||||
| |||||||||||||||
Социалистична Федеративна Република Югославия, покуртано СФРЮ, бесѣдно Югославия, Друга Югославия — многонародностный штат на юговыходѣ Европы, створеный по закончѣню Другой свѣтовой войны як федерация социалистичных републик и роздѣленый в роках 1991–1992 на окремы републикы в процесѣ политичной, економичной кризы и домовых войн.
- Змѣна назв штату (конштитуция 1963)
- 1945, 29. новембер – 1963, 7. апрѣль
Федеративна Народна Република Югославия (ФНРЮ) - 1963, 7. апрѣль – 1992, 27. апрѣль
Социалистична Федеративна Република Югославия (СФРЮ)
Основаня штату
едітоватиВ новембрѣ 1945 перешли парламентскы выберанкы, на котрых 90% вот достав Народный фронт Югославии под проводом КПЮ. 29. новембра 1945 Закладаюча скупщина ликвидовала монархию и выгласила Федеративну Народну Републику Югославию (ФНРЮ), загорнюючу 6 републик (Словения, Хорватия, Босния и Герцеговина, Сербия, Черногория, Македония), з котрых кажда мала свою владу, представителный орган (скупщину) и конштитуцию.[1] В Сербии двѣ провинции, Войводина и Косово, достали автономный статус, котрым ся вызнавала их народностна шпецифика. На зачатку быв приятый яко взор модел СССР.[2]
Самоурядный социализм
едітоватиАле в року 1948 совѣтске шефство неудачно попробовало одсунути Й. Броза Тита з ведучых позиций, што привело наконець 15. октобра 1949 ку розрыву дипломатичных односин, и Югославия розвивала ся подля властного моделу, самоурядного социализма, одвергла колективизацию земледѣлства, завела торжны принципы газдованя, доставала помочь од западных штатох. В року 1953 была прията нова конштитуция, де на челѣ федерации стояв президент (тот пост занимав в роках 1953–1980 Тито).[1] Югославскый модел, наперек федерализму, быв высоко централизованый и владу твердо держала Комунистична партия Югославии (од року 1953 Союз комунистох Югославии). Але в роках 1953, 1963 и 1974 поступно были прияты новы конштитуции, котры все вецей влады передавали од федералного уровня на уровнѣ републик, комунит (opštine) и економичных подприять, каждое з котрых справовала властна рада роботникох. Федералный парламент (Skupština) мав двѣ коморы: Федералну комору з 220 депутатох од роботницкых рад, комунит и сполоченскых организаций и (верхню) Комору републик з 88 делегатох од републичных скупщин. Подля конштитуции 1974 Титови было придѣлене доживотне президентство, а автономным краям Войводина и Косово — права републик. Поступна децентрализация ослабляля твердость влады. Зачаточно, в роках 1953–1965, быв досягнутый знаменитый економичный рост, але дале ся розвой спомалив. В 1980-х роках выросла инфлация и безроботя, котры рады роботникох часто поправляли неконтролованыма позычками. Од року 1983 Меджинародный валутовый фонд зачав жадати тверду економичну рештруктуризацию, што привело ку наростаню старых конфликтох и ворожнѣ в сполоченствѣ. Тото наконець ся стало еднов з причин роспада Другой Югославии.[2]
Жерела и одказы
едітовати- Allcock, John B. and Lampe, John R. (5 Nov. 2020). Yugoslavia, former federated nation [1929–2003]. Encyclopedia Britannica. https://www.britannica.com/place/Yugoslavia-former-federated-nation-1929-2003. [перевірено 2021-02-22].англ.
- Путятин В. С. ЮГОСЛАВИЯ //Большая российская энциклопедия. Том 35. Москва, 2017, стр. 533–535 Верзия: 2017. Одчитане: 21.02.2021 русс.