Атомове ядро

Атомове ядро — централная часть атома, складена з протонох и невтронох (нуклеонох), котра обсягуе основну його масу (над 99,95 %). Розмѣры ядер розличных атомох чинять даколько фемтометры:

Атомове ядро He (гелия) мать розмѣр 1 fm, при розмѣрѣ атома 100 000 fm

$1fm=10^{-15}m$,

а то згруба 100 тысяч разы менше од самого атома. Ядро мать позитивный набой, величина котрого зависить од числа протонох в ядрѣ и вызначена елементом, котрому належить атом. Атомовы ядра суть предметом штудий про ядрову физику.

История

Атомове ядро объявив в року 1911 Ернест Резерфорд (Е. Rutherford) в експериментах з россѣяньом α-частиць при их проходжѣню кроз материю. В року 1932 Джеймс Чедвик (J. Chadwick) объявив невтрон, неодовго за тым Дмитро Иваненко и независимо Вернер Гайзенберг вынесли гипотезу о штруктурѣ атомового ядра, складеной з протонох и невтронох.

Нынѣшность и перспектива

Объявлѣня Резерфордом дѣлителности атома отрясло самыма основами класичных представ, котры мали выраз аж и в назвѣ атома: ἄτομος, атомос – недѣлителный. Подля днешных представ уже ани протон, ани невтрон не суть недѣлителны, но суть складены зоз кваркох и глуонох, а ядро атома — компликована система з великого числа кваркох, глуонох и мезоновых поль, так же далшый опис атомового ядра ся досягне в квантовой хромодинамицѣ. Але тота задача через ей компликованость еще не рѣшена.

Жерела и одказы

• Смирнов Ю. Ф.: Ядро атомное //Прохоров А.М. (гл. ред.): Физическая энциклопедия в 5 томах. — Москва: Большая Российская энциклопедия, 1988-1998. ISBN 5-85270-034-7 Том 5, 1998. 760 с. ISBN 5-85270-101-7. Стробоскопические приборы – Яркость русс. Сс. 685–690. Одчитане: 2020-06-21