Гилотина
Гилотина — механичный пристрой, котрый ся од часу Великой французской револуции регуларно поуживав на сповнѣня россудку усѣчѣня головы. Межи первыма высоко поставленыма жертвами гилотины были краль Людвик XVI. (21. януар 1793) и его жена, Мария Антуанетта, дѣвка австрийской цѣсарькы Марии Терезии (16. октобер 1793). До року 1794 были гилотинованы понад 10 тысяч противникох револуции.
Предистория
едітоватиВ середновѣку хосновали ся пристрои, подобны до гилотины. Наперек росширеным представам, Жозеф Иньяс Гийотен (Joseph Ignace Guillotin) не быв вынаходник гилотины. Он быв дохтор и старав ся о то, жебы судный вырок смерти не означав про засудженого тѣлесны мукы.
Перва екзекуция на гилотинѣ засвѣдчена документално стороча до того, уже датумом 1. апрѣля 1307, коли быв стятый Мердок Баллаг в Мертону, Ирландия.[1]
Еще в року 1789 дохтор Гийотен, член Народной Асамблеи (парламента) подав пропозицию о гуманнѣйшом проведеню кары смерти з помочов шпециалной машины, а 3. юна 1791 Ассамблея тоту пропозицию прияла.[1] Иншый дохтор-хирург, таксамо член Ассамблеи, Антуан Луи (Antoine Louis) допрацовав конштрукцию рѣжучого ножа, з помочов нѣмецкого инжинера Тобиаса Шмидта (Tobias Schmidt), зготовив прототип[2] и выпробовав машину на трупах. Подля него машина была названа «луизета», Але позднѣйше прияла ся назва гилотина од имени подателя законодарной инициативы, хоть сам он протестовав против того.
Конштрукция и фунгованя
едітоватиГилотина мать высоку 2-3-метрову вертикалну раму в котрой ховзать тяжка скоса чепель, поднимана на верх рамы перед сповнѣньом кары и фиксована там. Караного кладуть на лавицю и привязують, шию му фиксують в ярмѣ, голова му зоставать стырчати вон з ярма над приимаючым кошаром. Про докончѣня кары отворяють фиксатор чепели, и она, падаючи з высоты одсѣкать голову засудженого, проходячи крозь прорѣз, котрый е в горѣшной секции ярма. Смерть наставать моментално. Нескушеность або хыба ката елиминована.
Подля спомину свѣдка, процес екзекуции держав 20 секунд.[3]
| „ | Досправды од того момента, як Тропман ступив на перву гарадичу гилотины, до того момента, як его труп шмарили в приладжену ладу, минуло двадцять секунд. | ” | |
| |||
Хоснованя в судництвѣ
едітоватиВ добѣ Влады Терора (1793–1794) в Великой французской револуции гилотина была главным средством охраны револучных вартостей. За тоты повдруга рокы число забитых лем подля засуду влады было около 17 тысяч особ,[4][5] понад 10 тысяч з них через декапитацию гилотинов.[6]
Тота страшна слава надовго загамовала хоснованя гилотины в иншых державах. Позднѣйше вшак перемогла практичность и пристрой широко розыйшов ся по свѣтѣ, в том числѣ по колониях.[6]
Найвеце ся хосновала гилотина в Германии в роках 1933–1945, де тым способом докончили живот 16500 особ, з чого 10000 в роках 1944–1945.[7]
Послѣдна судова екзекуция з помочов гилотины была проведена во Франции 10. септембра 1977, а року 1981 кара смерти там была скасована.[8]
Жерела и одказы
едітовати- И. С. Тургеневъ. Казнь Тропмана. Изъ литературныхъ и житейскихъ воспоминаній. "Геликонъ". Москва-Берлинъ. MCMXXII.
- Jørn Fabricius: История гилотины (англ., архив).
- Bois de justice: Хоснованя гилотины во Франции и колониях (англ.)
- Guillotine execution procedure, youtube.com
Референции
едітовати- ↑ 1,0 1,1 История гилотины (англ.)
- ↑ Mary Bellis: The History of the Guillotine. (англ.)
- ↑ И. С. Тургеневъ. Казнь Тропмана, с. 50.
- ↑ Гусева Ю.В. Террор в годы Великой французской революции
- ↑ Кирилл Каминец. Маленькая история Большого террора
- ↑ 6,0 6,1 Bois de justice: Хоснованя гилотины во Франции и колониях (англ.)
- ↑ Robert Frederick Opie. Guillotine: The Timbers of Justice. History Press, 2013. С. 131
- ↑ La dernière exécution capitale date de 30 ans. Radio France internationale. 10 September 2007. фр.