Доминат
Доминат, лат. dominatus, од dominus пан — форма неограниченой монархии, котра ся склала в Римской империи в конци III. стороча.[1]
Период домината называють еще добов поздньой Римской империи. Як окрема форма влады пришов на мѣсто принципату — политичной системѣ ранньой Римской империи. Формованя доминату звязують з часом панованя императора Диоклециана (284-305).[1]
Хоть формално установив доминат император Диоклециан, окремы елементы той формы влады ся поступно узвычайовали уже при його предходниках, напримѣр, Аврелиан (270–275) зачав ся титуловати паном и богом родженым (dominus et deus natus). Остаточно конштитуовав доминат император Константин Великый (306–337).[2]
Император перестав быти первым обывательом, а став ся абсолутным пановником. Сенат утратив политичне значѣня. Диоклециан видѣв, же една особа не годна справовати таку велику територию, яков была на тот час империя. зато роздѣлив територию меджи четырьох пановникох: два з титулов augustus и два их помочникы и наслѣдникы з титулов caesar. Войско роздѣлив на два роды: пограничне (limitanei), што мало приняти первый удар, и конницю (comitatenses), котра мала прийти скоро на помочь там, де буде треба. Одокремив цивилну и войскову владу. Розбудовав великый бюрократичный апарат. Провинции роздѣлив на меншы: з 50 их стало ся 100. Урядникы были добрѣ плачены и умѣщены по рангах, подля платнѣ. Тетрархия неодовго заникла, але иншы реформы Диоклециана змоцнили империю и дали можность охранити ей границѣ еще на 200 рокы.[2]
Жерела и одказы
едітовати- ДОМИНАТ. // Большая российская энциклопедия (online, 2017). https://old.bigenc.ru/world_history/text/1964916. [перевірено 2020-04-19].русс.
- Dominat. IMPERIUM ROMANUM. https://www.imperiumromanum.edu.pl/ustroj/cesarstwo-rzymskie/dominat/. [перевірено 2020-04-19].пол.