Караганда

Караганда
	Герб
Держава	Казахстан
Область	Карагандинска
Координаты	49°48′10″ с. ш. 73°06′20″ в. д. / 49.802778° с. ш. 73.105556° в. д. (G) (O) (Я)
Розлога	498,4 км²
Надморска вышка	546 м
Обывательство	500 882. особ (2021)
Часова зона	UTC+6, влѣтѣ UTC+7
Телефонный код	+7 7212
Поштовый индекс	100000-100030
	Караганда

Караганда́ казах. Қарағанды (файл) — четвертый найвекшый город в Казахстанѣ, центер найвекшой области — Карагандинской.

Етимология

Назва походить од корчох "карагана" (Caragana arborescens, Caragana frutex), што буйно ростуть в том теренѣ.^[2]

Полога

Лежить в серединѣ важного Карагандинского угляного ревира. Узел автодорог, желѣзнична штация, меджинародне летиско Сары Арка.^[3]

История

Долованя угля ся зачало в року 1857 в невеликом обсягу про потребу недалекой мѣдяной гуты, было заставлене в 1920-х рокох, пак зась скоро выростло по року 1931, коли ту пришла желѣзниця, и быв принятый декрет о вывою Карагандинского угляного ревира про засобованя промысла Урала. Караганда достала статус города в року 1934 и стала ся областным центром в року 1936. В року 1939 обывательство уже выростло до 166 000 особ. В Карагандѣ и околици ся широко выуживала примусова робота.^[2] В 1930–1950-х рокох ту быв центер Карагандинского поправчого лагра Карлаг.^[3]

Днешность

Долованя угля зоставать основным конарьом промысла Караганды, но суть ай великы металургичны комбинаты, цѣментны фабрикы, а тыж потравиновый и иншый легкый промысел. Ку року 1972 концентрация промысла в Карагандѣ привела ку вычерпаню засоб воды в том сухом регионе и потребовала ставбу канала од рѣки Иртыш до Караганды, котрый был отвореный того ж року.^[2]

Сучасный город складать ся з окремых давных населеных пунктох, розметаных на великой територии. Старый город в первы рокы выростав хаотично и склав ся зоз вецей як 20 селитв, але Новый город, на юг од него, зачатый в року 1934 (група московскых архитекторох, ведучый Кузнецов А. И.) быв задуманый як културный и административный центер, мать широкы улицѣ, паркы и монументалны будовы. Центер города — район Юго-Восток, выставленый подля генералного плану з року 1971. Караганда — културный, научный и шпортовый центер региона.^[3]

Жерела и одказы

Qaraghandy. Encyclopedia Britannica. 18 Sep. 2013. https://www.britannica.com/place/Qaraghandy-Kazakhstan. [перевірено 2022-01-24]. англ.
КАРАГАНДА. //Большая российская энциклопедия. Москва, 2009 {электронная версия 2016). Том 13, стр. 57. https://old.bigenc.ru/geography/text/2044172. русс.

Референции

↑ Численность населения Казахстана по полу в разрезе областей и столицы, городов районов, районных центров и поселков на 1 января 2021 года (Excell, line 202). Комитет по статистике МНЭ РК. https://stat.gov.kz/api/getFile/?docId=ESTAT405845. [перевірено 2022-01-24]. русс.
↑ ^2,0 ^2,1 ^2,2 Encyclopedia Britannica
↑ ^3,0 ^3,1 ^3,2 Большая российская энциклопедия

[stat2021-1] Численность населения Казахстана по полу в разрезе областей и столицы, городов районов, районных центров и поселков на 1 января 2021 года (Excell, line 202). Комитет по статистике МНЭ РК. https://stat.gov.kz/api/getFile/?docId=ESTAT405845. [перевірено 2022-01-24]. русс.

[EB-2] 2,0 ^2,1 ^2,2 Encyclopedia Britannica

[BRE-3] 3,0 ^3,1 ^3,2 Большая российская энциклопедия

[1]

[2]

[3]