Baltimora

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Baltimora (in ingresu Baltimore) est una tzitade de sos Istados Unidos chi s'agatat in s'istadu federadu de Maryland. Est una tzitade indipendente a suta de s'autoridade amministrativa de s'istadu e chi non faghet parte de peruna contea. Est sa prus manna bidda de su Maryland e pigat nòmene de Cæcilius Calvert, segundu barone de Baltimore, fundadore e primu gubernadore de sa Colònia de Maryland.

Baltimora

Posidura in su Maryland

Sa tzitade tenet populatzione de unos 620.000 bividores, ma s'àrea metropolitana Baltimora-Washington arribat a unos 2.700.000.

In Baltimora b'at s'importante univerisidade Johns Hopkins University, una de sas mègius de sa natzione.

Baltimora est fintzas su prus importante portu de sos Istados Unidos.

Geografia

Baltimora est posta in su tzentru-Nord de su Maryland, in su frùmene Patapsco, cun unu artària cumpresa intra unos 3 e 30 metros.

Sa tzitade est partzida in 9 regiones (Northern, Northwestern, Northeastern, Western, Central, Eastern, Southern, Southwestern, and Southeastern). Cuntantu custu, is residentes dda partzint prus simpremente in zona Est e zona Ovest, cunsiderende Charles Street comente lìnia de chirriadura.

Clima

Su clima de Baltimora est classificadu ùmidu subtropicale - segundu sa Classificatzione Köppen - e arretzet s'influèntzia de s'ocèanu chi dd'istat a curtzu.

S'istade est caente e ùmida, s'ierru fridu e ùmidu. Su mese prus caente est su de trìulas, cun temperaduras a de die de 33°C e a de note 23°C. Est raru chi artzint subra de is 40°C.

In ierru est raru chi is temperaduras calent a suta de is -12°C.

Sa propidura est distribuida in totu s'annu.