Nzemi
cuncettu matimàticu di tanti cosi ca si vannu a cunsiddirari comu a na cosa sula
(Rinnirizzata di Nsemi)
St'articulu parra di lu cuncettu matimaticu di nzemi. Pi àutri significati di sta parola taliati puru anzemi
Lu cuncettu di nzemi custituisci l'elementu funnanti di gran parti di l'espusizzioni dâ matimàtica muderna. Lu tèrmini signìfica na cullizzioni d'oggetti chiamati elementi dû nzemi. Lu cuncettu di nzemi veni carattirizzatu di li siquenti pruprietati:
- un elementu pò appartèniri o nun appartèniri a un ditirminatu nzemi, nun cci sunnu vìi di menzu;
- un elementu nun pò cumpariri cchiù di una vota nta nu nzemi (mentri pò cumpariri cchiù voti nta nu multinzemi)
- l'elementi di nu nzemi nun hannu un òrdini di cumparizzioni (comu mmeci succedi ê cumpunenti di un vitturi o di nu nzemi tutalmenti urdinatu)
- l'elementi di nu nzemi lu carattirìzzanu univucamenti: dui nzemi cuìncidinu siddu iddi, e sulu iddi, nn'hannu li stissi elementi.