Pholidota

Pholidota

Classificazzioni scintìfica

Regnu:	Animalia
Filu:	Chordata
Classi:	Mammalia
Òrdini:	Pholidota Weber, 1904

Li Pholidota (WEBER 1904) sunnu n'òrdini di mammìfiri placintati. L'unica famigghia ca ancora campa è Manidae. Quattru speci s'attròvanu nta l'Asia , mentri autri quattru s'attròvanu nta l'Àfrica Sub-Sahariana.

Nomu

Lu nomu di l'òrdini Folidota veni dû grecu anticu φολιδωτός - "vistutu di scagghi", di φολίς pholís " scagghia ".

Discrizzioni

Li Pholidota ànnu scagghi di chiratina ca sèrbinu pi prutiggilli, sìmili ntô matiriali a l'ugna, ca ci cummògghianu la peḍḍi; sunnu l'ùnici mammìfiri canusciuti cu sta carattirìstica. A sicunna dâ speci, stannu dintra ê zucchi vacanti di l'àrbuli o ntê pirtusa 'n terra.

Dieta

Sunnu nutturni e la so dieta è fatta suprattuttu di furmìculi e tirmiti, ca affèrranu usannu li so lingui longhi e mmiḍḍusi. Ùsanu lu ciauru pi truvari nzetti.

Cumpurtamentu

Di sòlitu su' armali sulitari, ca si ncòntranu sulu pi ncucchiàrisi e fari di unu a tri figghi, ca sunnu civati pi circa du' anni. Phataginus tetradactyla, di l'Àfrica, è attivu puru cû jornu, mentri l'autri speci pàssanu la jurnata durmennu, arricugghiuti a paḍḍa.

Classificazzioni e filugginìa

Òrdini: Pholidota Weber, 1904
- Gèniri: † Euromanis Gaudin, Emry & Wible, 2009
- Famigghia: † Eurotamanduidae Szalay & Schrenk, 1994
- Suttòrdini: Eupholidota Gaudin, Emry & Wible, 2009
  - Suprafamigghia: Manoidea Gaudin, Emry & Wible, 2009
    - Famigghia: Manidae Gray, 1821
    - Famigghia: † Patriomanidae Szalay & Schrenk 1998 [ sensu Gaudin, Emry & Pogue, 2006]
    - Incertae sedis
      - Gèniri: † Necromanis Filhol, 1893
  - Suprafamigghia: † Eomanoidea Gaudin, Emry & Wible, 2009
    - Famigghia: † Eomanidae Storch, 2003

Na vota si cunzidirava l'òrdini Pholidota mparintatu strittu cu Xenarthra, ma l'ùrtimi studi ginètici dìcinu ca li so parenti cchiù vicini sunnu li carnivuri, furmannu la cladi Ferae. Si penza ca la spartuta ntra li carnìvuri e li Pholidota mmattìu 79,47 Ma (miliuni d'anni) arrè.

Pholidotamorpha

Palaeanodonta

Pholidota

Euromanis

Eurotamandua

Eomanidae

Eomanis

Manoidea

Patriomanidae

Necromanis