Coppa d'America
La Coppa d'Amèrica (angrisi America's Cup) è lu cchiù cèlibbri trufeu ntô sport dâ vela e puru lu cchiù anticu trufeu sportivu pû quali si cumpeti ancora ê nostri jorna.
La coppa, na brucca d'argentu, veni assignata ô vincituri di nu ncontru di novi rigati, tra dui yacht di dui nazzioni diffirenti, unu chi rapprisenta lu yacht club chi diteni la coppa e l'àutru chi sfida li ditinituri appoi aviri statu silizziunatu tra na cuorti di pritinnenti.
L'edizzioni dû 2007 si jucau a Valencia, ntâ Spagna. La squatra chi difinniu cu successu lu tìtulu è Alinghi dû yacht club di Ginevra, 'n Svìzzira, chi vincìu l'edizzioni dû 2003 ntâ Nova Zelanda.
La 33èsima edizzioni si joca attorna a Valencia, ma a diffirenza di l'edizzioni pricidenti, si joca sulu tra Alinghi e BMW Oracle, chi pi na dicisioni di nu giudici miricanu, havi idda sula lu dirittu di pritenniri di navigari contra lu defender svìzziru.
L'ùrtimi edizzioni
cancia- 2010: Valencia, Spagna; vincituri: BMW Oracle (challenger)
- 2007: Valencia, Spagna; vincituri: Alinghi (defender).
- 2003: Auckland, Nova Zilanna; vincituri Alinghi (challenger).
- 2000: Auckland, Nova Zilanna; vincituri Team New Zealand (defender).