Jean-Marie Le Pen

Jean-Marie Le Pen (La Trinité-sur-Mer, 20 di giugnu 1928) è un puliticanti francisi. È lu prisidenti dû partitu di dritta Frunti Nazziunali.

Jean-Marie Le Pen a la "convention" prisidinziali dû Front National, lu 25 di frivaru dû 2007 a Lille

Biografìa

Le Pen è famusu p'addumannari forti pulìtichi di raffurzamentu dâ legge, tra cui la rintroduzzioni dâ pena di morti, forti ristrizzioni supra la mmigrazzioni di paisi extraeuropei, ritiru dâ Francia, o maiuri nnipinnenza, di l'Unioni Europea. Hà prununzatu affirmazzioni cunzidirati razzisti e antisimiti ma, ricentimenti, hà statu custrittu a nun esprimìrisi 'n modu discutìbbili ntô pirìudu pri-elitturali.

Carrera pulìtica

S'hà cantidatu nta diversi elezzioni prisidinziali francisi, arrivannu a lu badduttaggiu nta l'elezzioni dû 2002, quannu sfidau l'attuali prisidenti Jacques Chirac. Nta l'elezzioni prisidinziali dû 2007 hà uttinutu a lu primu turnu 3.824.258 voti (10,51%), vinennu esclusu dû succissivu badduttaggiu.

• Vitiranu di l'asèrcitu francisi, hà nizziatu la sò carrera pulìtica a Tolosa comu capu di l'unioni studintisca. Ntô 1956 divinni lu cchiù giùvini membru di l'Assimbrea Nazziunali Francisa, ntô partitu di Pierre Poujade. Ntô 1957 divinni lu sicritariu ginirali dû Frunti Nazziunali dî Cummattenti.

• Ntê 1972 funnau lu Front National, un partitu nazziunalista di dritta, 'n òppusizzioni â lu partitu gullista.

• Ntô 1984 e ntô 1999 ottinni un seggiu a lu Parramentu Europeu, di cui fu privatu, cu mutivazzioni giuridicamenti discutìbbili, lu 10 d'aprili dû 2003 dâ Corti di Giustizzia Europea.

• A l'elezzioni prisidinziali dû 2002 ottinni lu 16,86% dî voti a lu primu turnu, abbastanti p'agghicari a lu badduttaggiu, grazzi a lu scarsu risurtatu dû cantidatu sucialista e Primu Ministru Lionel Jospin. Hà statu lu primu puliticanti francisi dâ dritta nun gollista a arrivari a lu badduttaggiu di l'elezzioni prisidinziali. L'avvinimentu hà causatu un granni muvimentu nta l'opinioni pùbbrica nazziunali e cchiù d'un miliuni di pirsuni pigghiau parti a manifistazzioni di chiazza contra l'idei di Le Pen.

• Duranti la campagna pi l'elezzioni prisidinziali dû 2007 hà suscitatu scalpuri un manifestu dû sò partitu, nta cui è raffigurata na picciotta nordafricana ca nvita a vutari lu Front National (è a nutari comu Le Pen cogghi cunzenzi macari tra ex cumunisti e certi pòviri dâ pupulazzioni, tra cui macari mmigrati).

Lijami sterni

• Jean Marie Le Pen - Blog
• Ministeru dî Interni francisi