Mircatu dû pisci di Tsukiji
Lu mircatu dû pisci di Tsukiji (pi giappunisi: 築地市場, Tsukiji shijō) è lu cchiù granni mircatu dû pisci pi tuttu lu munnu. S'attrova a Tokyo, ntô ripartu di Tsukiji, e òccupa n'aria assai spazziusa, d'urìggini artificiali, ricavata di nu nternamentu.
Lu nùmmuru di pirsuni chi, cu vari turni, cci travàgghianu, oscilla di 60.000 a 65.000 unitati, tra vinnitura accriditati, mpiegati d'ufficiu e upirai. Cumprenni dui parti: lu primu, accussì dittu «mircatu nternu» (jonai shijo) 'n cui si tèninu li vìnniti a l'asta dâ tunnina; lu secunnu accussì dittu «mircatu di fora» (jogai shijo), 'n cui succedi seri d'attivitati cummirciali quali la vìnnita di pisci nicu, pisci travagghiatu, cunzirbatu, eccetra.
Cc'è puru n’aria marginali fitta di furnitura ncridibbilmenti cunzirbati nta l’aspettu urigginali, unni si vinni n'anticchia di tuttu: attrezzi di cucina, cuteddi, ciràmichi, sempri a prezzi di mircatu. S'attròvanu tanti risturantini di l’aspettu umili e di na misura nichissima unni si pò manciari a prezzi boni na cucina chi si basa supra l’eccillenza e frischizza di l'alimenti. Si dici ca 'n arcuni di chissi si mancia lu megghiu sushi dû munnu. Li fili chi si cci aspèttanu davanti a sti lochi fannu ritèniri la fama chi li accumpagna.
Lu mircatu si grapi primurusu, versu ê 5 ntê matinati e spissu chinu di turisti chi, apprufittànnusi dû jet lag e dî trasporti attivi dâ citati, si cci attròvanu a l'urata giusta.
Tsukiji, comu istituzzioni cuntrullata dû statu cu normi cummirciali e iggènichi, havi na storia longa chi accumenza ô partiri dû sèculu XVII).