Pataggiu

U pataggiu è na mimmrana di peḍḍi ca serbi ê taḍḍariti pi vulari e a autri mammìfiri (comu i Dermoptera) pi planari. Sta struttura si stenni di l'arti supraniuri nzinu a chiḍḍi suttaniuri, spissu cumprinnennu macari a cuda. È prisenti nta tanti speci di mammìfiri di vari òrdini, comu Rodentia e Diprotodontia. Macari i Pterosauria avìanu sta struttura e, ntê rèttili, è ancora prisenti ntê lucertuli dû gèniri Draco.

Ntê Chiroptera

I Chiroptera, megghiu canusciuti comu taḍḍariti, sunnu l'ùnicu òrdini di mammìfiri capaci di vulari, Pi chistu u pataggiu è assai spicializzatu e veni spartutu nta 4 parti:

Prupataggiu, dî spaḍḍi ô pusu;
Plaggiupataggiu, dû quintu jitu pi tutta a lunghizza dî cianchi;
Dattilupataggiu, a peḍḍi ca si stenni 'n menzu ê jìdita;
Urupataggiu o Notupataggiu, dâ jamma â cuda.