pilu
pilu s m (pl. pila)
- Filiceddu assai finu chi crisci supra â peddi di l'armali e dî cristiani.
- Truvai un pilu dû gattu ntô mè piattu!
- In sensu estinnutu, si chiàmunu pila puru li filicedda curti e suttili chi crìsciunu supra di li chianti.
- Lu fustu dâ chianta di citrolu è cummigghiatu di pila.
- L’insiemi di tutti li pila ca cummògghiunu la peddi, o na so parti, di n’armali o d’un cristianu.
- Lu mè cani havi lu pilu longu e nìuru.
- In sensu traslatu, si chiama pilu chiddu chi è jè ca n’assimigghia ô pilu di l’armali, macari si è artificiali.
- Giuva na scupa pi livari lu purvirazzu dû pilu dû tappitu.
- Pi modu di diri, si dici pilu un difettu di picca cuntu.
- È’ inùtili circari pila, sta cosa è bona pi com’è.
[pìlu]
pi | lu
pilu
Stu sustantivu sicilianu veni di lu latinu "pĭlus" o "pilum".
- Lu lupu perdi lu pilu ma no lu vizziu, voli diri ca li cristiani ponnu canciari apparenza senza canciari natura.
- Circari lu pilu nta l'ovu, voli diri sfurzàrisi di truvari difetti nta na cosa chi nveci è bona.
- Nun n’jìnchiri di pila, è n’esclamazzioni pi diri «nun nn’incarricari di prubblemi ca nun nni cumpètunu o nun hannu mpurtanza», dittu di manera assai scrianzata.
- Nun aviri pila supra â lingua, voli diri nun scantàrisi di diri li cosi comu stannu o comu si pènzunu.
- Aviri pilu supra â panza, voli diri nun scantàrisi, o nun curàrisi, dî cunsiquenzi riali o pussìbbili dî proprî azzioni, e dî so implicazzioni murali. Si po’ diri cu cunnotazzioni nigativa o puru positiva.
- Di primu pilu, voli diri littiralmenti figghiolu, picchì lu pilu cci ccumincia a crìsciri, ma si usa pi diri «senza esperienza».
- Contra pilu, voli diri ntâ dirizzioni cuntraria a chidda comu crisci lu pilu, ad esempiu quannu unu si fa’ la barba o strigghia n’armali.
- P’un pilu, voli diri appena appena, di misura.
capiddu, mustazzu, varva, varvarozzu, piliari, pilichiari
|
|
|
- L'Orìgini di lu Munnu, Giuvanni Meli
pilu s m
- [pìlu]
- AFN: /ˈpilu/
- Sillabbazzioni: pi | lu
Veni dû latinu "pilus".