Thrash metal
Thrash metal is a kynd o hivy metal muisic that stairtit as an affshuit o hivy metal in the late 1970s an early 1980s. The term Speed metal wis uised for this genre in the aichties, but for ordinar that nou is uised whan talkin anent Pouer metal that pits a wheen emphasis on fast playin - baunds sic as DragonForce bein guid exemplars.
History
eeditThrash metal stairtit slaw, wi a stauchered development as first the guitar style, then the drummin, then vocals emerged an wis jyned thegither tae mak Thrash metal. Things really stairtit tae get muivin in the mid-aichties. Baunds sic as Metallica, Slayer, Anthrax an Megadeth led the chairge as the first o the sae cried "Extreme Metal" (Thrash, Deid an Black) genres teuk aff.
Bi the early nineties, housome'er, the Thrashers haed been ootpaced bi the ither developin forms o metal. Pouer metal baunds wis playin faster an mair technical muisic, takkin the "Speed metal" tag for thaimsels, while Deid an Black metal wis mair extreme baith muisically an ideologically, an sae chored the thunner o the Thrashers' pouer tae shock. Nae langer the fastest, hiviest, scariest or maist bruital strynd o metal, Thrash tint muckle o its appeal, as young fowk turned tae the mair extreme expressions o whit Thrash haed ance cried its ain territory.
Still, haen gien birth tae (in chronological reddin) Deid metal, Black metal an Metalcore, Thrash still haes a wheen o influence on the metal scence the day. An tho new Thrash baunds arna as nummersome as they ance wis (wi baunds sic as Trivium bein airgieable exceptions) the auld gaird sic as Metallica, Slayer, Megadeth an Testament still tours an pits oot new material quite aften.
Muisical Chairacteristics
eedit- Guitar wark is aften based on fast, sneddy riffs an heich pitched solos, wi the strings aften doun-tuined tae Drop-D tuinin or laicher. Shreddin an soupin techniques is common forby.
- Drummin tends tae be unco fast, an maist thrash drummers uises aither twa bass drums, or a dooble-kick pedal.
- For tae haud up wi the gey fast pace o the muisic, maist bassits will uise a plectrum, tho this isna aye true. Distortin on the bass isna byordinar ava.
- Vocals is for ordinar naither as melodic as in Pouer metal nor as harsk as in Deid metal or Black metal. Maistlie they are gruff, e'en yelloched - but this isna aye the case, syne some are melodic lilters.
- Leerical themes kivvers quite a braid reenge, frae poleetics tae daith; society tae nihilism.
Kenspeckle Baunds
eedit- Anthrax
- Death Angel
- Forbidden
- Kreator
- Megadeth
- Metallica
- Slayer
- Sodom
- Testament