Human richts in the Fowkrepublic o Cheenae

Human richts in the Fowkrepublic o Cheenae is a maiter o differ atween the Cheenae govrenment an ither kintras an NGOs. Organisations sic as the U.S. State Department, Amnesty International, an Human Rights Watch haes wytit the Cheenae govrenment for stintin the freedoms o speech, muivement, an releegion o its ceetizens. The Cheenae govrenment argies for a braider defineetion o human richts, tae include economic an social as weel as poleetical richts, aw in relation tae naitional cultur an the level o oncome o the kintra. In this regaird, Cheenae says, human richts is bein bettert in Cheenae.

Housomeiver, mony human richts organisations mainteens a leetany o plaints agin the Cheenae govrenment. Controversial human richts issues in Cheenae includes policies sic as caipital punishment, the ae-bairn policy, the social status o Tibetans, an want o protections regairdin freedom o the press an releegion. Ane o the foremaist auries o concern is a want o legal richts, for want o a independent juidiciar, rule o law, an due process. Anither kenspeckle aurie o concern is want o labour richts that's is sib tae the hukou seestem, the want o independent unions, an discreemination agin landwart wirkers an ethnic minorities. Yet anither aurie o concern is the want o releegious freedom, hielichtit bi state clashes wi Christian, Tibetan Buddhist, an Falun Gong groups. Some indeegenous groups is ettlin tae rax thir freedoms; they are Human Rights in China, Chinese Human Rights Defenders (CHRD) an China Human Rights Lawyers Concern Group (CHRLCG).

Legal seestem

The Cheenese govrenment recogneeses that there are problems wi the current legal seestem, sic as:

• A want o laws in general, no juist anes tae uphaud ceevil richts.
• A want o due process.
• Conflicts o law.

As juidges is appyntit bi the State an the juidiciar as a hale disna hae its ain budget, this haes led tae corruption an the abuiss o admeenistrative pouer.