Inari, Finland

Inari (Inari Sami: Aanaar, Northren Sami: Anár, Skolt Sami: Aanar, Swadish: Enare) is Finland's lairgest, spairsely populatit municipality wi fower offeecial leids, mair nor ony ither in the kintra. Its major soorces o income are lummer industry an natur maintenance. Wi the museum Siida in the veelage o Inari, it is a centre o Sami cultur. The airport in Ivalo an the kintra's key north-sooth European Route E75 (Finland's Naitional Road 4) bring simmer an winter vacationers who leuk for resorts wi access tae well-preserved, uncroudit ootdoors.

Demographics

Population

The municipality o Inari haes a population o 6,779 (31 Januar 2011). The population density is 0.45 indwallers per square kilometre (1.2 /sq mi).

Its twa lairgest veelages are Ivalo an Inari. Ither veelages are Törmänen, Keväjärvi, Koppelo, Sevettijärvi–Näätämö, Saariselkä, Nellim, Angeli, Kaamanen, Kuttura, Lisma, Partakko, an Riutula.

Languages

The municipality haes fower offeecial leids: Finnish, Inari Sami (ca. 400 estimatit speakers), Skolt Sami (ca. 400 speakers), an Northren Sami (ca. 700 speakers). The estimates o hou mony fowk hae some command o each o the Sami leids differ frae the nummer o fowk who leet them as thair mither tongues. O the tot population o 6,863 in 2010, 6,366 fowk registered Finnish as thair mither tongue an 400 ane o the Sami leids. 97 indwallers wur native speakers o ither leids.

Citizenship

Anerlie aboot 1%, 78 persons, wur ceetizens o kintras ither than Finland in 2010.

Geography

Inari is the lairgest municipality in Finland. Locatit in Lapland, it covers an aurie o 17,333.77 square kilometres (6,692.61 sq mi), o which 2,281.41 km2 (880.86 sq mi) is watter. Wi an aurie o 1,043 km2 (403 sq mi), Lake Inari is the third lairgest lake in Finland, 40 km2 (15 sq mi) smawer than the kintra's seicont lairgest Lake Päijänne.

Finland's lairgest Naitional Pairk Lemmenjoki is pairtly locatit in Inari, as is the Urho Kekkonen Naitional Pairk. Vast pairts o the municipality are designatit wilderness auries: Hammastunturi, Muotkatunturi, Paistunturi, Kaldoaivi, Vätsäri, an Tsarmitunturi.

The veelage o Inari is Finland's northmaist holiday resort. The airport is locatit in the nearbi veelage o Ivalo.

History

The municipality wis established in 1876.

In popular cultur

The trilogy His Dark Materials bi the Inglis writer Philip Pullman, which takes place in an alternative warld somewha seemilar tae oor awn, featurs a prominent character, Serafina Pekkala, who is a witch queen frae a tribe near Lake Inari. A character in The Snow Queen, a fantasy novel bi the American author Mercedes Lackey, enters the Underworld an comes athort a group o veelagers frae Inari. A thriller written bi Gavin T. Lyall (1965, "The Most Dangerous Game" ) acts in an aroond Inari.

Freemit airtins

Media relatit tae Inari at Wikimedia Commons

• Municipality o Inari Archived 2009-02-01 at the Wayback Machine – Offeecial wabsteid