Molekyla

Molekyla lea guovtte dahje eanet atomaid ovttastus, kovaleanta čatnosiid bokte. Unnimus molekyla lea H₂, hydrogenamolekyla. Maiddái čáhci lea molekyla, man kemiijalaš hápmu lea H₂O Dainna lágiin molekyla sáhttá sisttisdoallat ovtta ja seammá vuođđoávdnasa nugo hydrogenamolekyla, dahje guokte sierra vuođđoávdnasa, nugo čáhcemolekyla.

Čáhcemolekyla. Oksygena lea ruoksat ja hydrogenaatomat leat vielgadat. Oksygena ja hydrogena gaskkas leat kovaleanta čatnosat.