جان ڈالٹن
انگریز سائنس دان جان ڈالٹن مادے دے ایٹمی نظریے کیتے مشہور ہے۔ ایہ نظریہ اوں نے 1803ء وچ پیش شائع کرکے پیش کیتا۔ ول اوندی مزید وضاحت اپݨی تصنیف کیمیاوی عضویات دا نواں نظام وچ کیتی جیہڑی ݙو جلداں وچ شائع تھئی۔ جینکوں اوں نے 1808ء توں 1827ء تک مسلسل تحقیق دے بعد قلم بند کیتا۔ اوں نے بعض عناصر دے جوہری اوزان دی پہلی فہرست مرتب کرکے چھپوائی۔ اپݨے نظریے دا اطلاق گیساں دے انجذابی عمل تے کرکے ݙٹھا تے اتھوں اوں نے جزوی دباؤ دا قانون اخذ کیتا جیہڑا بعد وچ قانون ڈالٹن دے ناں نال مشہور تھیا۔ موسمی حالات نال اُونکوں بے حد دلچسپی ھئی۔ اوں نے یومیہ موسمی تبدیلیاں دا ریکارڈ رکھݨا شروع کر ݙتا تے بعد وچ اوں ریکارڈ دی بنا تے اپݨے مشاہدات و نتائج کوں ہک کتاب "موسمی مشاہدات" وچ بیان کیتا۔ اوں نے مرض "رنگوندا" دی وی تحقیق کیتی جیندا اوہ مریض ہئی تے کیفیت دریافت کیتی جینکوں ڈالئنیٹ آہدن ۔ 1793ء وچ نیو کالج مانچسٹر وچ ریاضی تے طبیعیات دی تعلیم ݙتی۔ 1822ء وچ رائل سوسائٹی دا رکن بݨا جیندی طرفوں اُونکوں 1825ء وچ انعامی تمغہ ملا۔
